Debre Haile kidus Raguael Ethiopian Orthodox Tewahedo Church Sterling, VA

ወቅታዊ ትምህርተ ወንጌል በብጹዕ አቡነ ፋኑኤል ክፍል 1

ተምህርተ ወንጌል በብጹዕ አቡነ ፋኑኤል በኢ.ኦ.ተ.ቤ.ክ የዋሽንግተን ዲሲ ሀገረ ስብከት ሊቀ ጳጳስ Sibkket Wengel Be BeTsu Abune Fanuel at Debre Hail Kidus Raguel Cathedral.

የአስተርዕዮ ማርያም በዓለ ንግሥ ወረብ

https://youtu.be/JDACXz8JsK8
Subscribe to our Church's official YouTube Channel for more ..

ደብረ ኃይል ቅዱስ ራጉኤል ካቴድራል በሰ/ት/ቤት የቀረበ ወረብ

Ethio Beteseb Media

ይህ ዝማሬ በሰሜን አሜሪካ በሚገኘው የደብረ ኃይል ቅዱስ ራጉኤል ካቴድራል የሰንበት ት/ቤት መዘምራን ያቀረቡት ድንቅ ዝማሬ ነው " አጫብር ወረብ "

Mekwamia studios

ቨርጂኒያ በሚገኘው የደ/ኃ/ቅ/ራጉኤል ቤተክርስቲያን ምረቃ በዓል ፣
ቅዳሴ ቤቱ ፣ ስርዓተ ማህሌቱ ፣ ቅዳሴው እና ንግሱ… ባማረ እና በደመቀ መልኩ ተከበረ።
እንዲህ ድምቅ ብለን እንድናከብር ምክንያት ለሆናችሁን ሁሉ መልአኩ ቅዱስ እራጉኤል ከፊት ይቅደምላችሁ። ከረጅም እድሜ እና ጤና ጋር ያኑርልን።
ፎቶ በመቋሚያ እስቱዲዮ…
We serve all of DC, MD , VA and other surrounding states. Contact us today to book your upcoming event! Message our page or call 202-390- 2706
ዋሽንግተን ዲሲ ቨርጂንያ እና ሜሪላንድ ነዋሪ ከሆኑ በርካታ ሰርጎችን ፣ መልሶችን ፣ የቪዲዮ ክሊፖችን ፣ ልደቶችን ፣ ክርስትናዎችን ፣ ዌዲንግ ሻወሮችን ፣ ቤቢ ሻወሮችን እና የቤተሰብ የቪዲዮ እና የፎትግራፍ ስራዎችን በጥራት እና ቅልጥፍና እንሰራለን። ለበለጠ መረጃ እና ቀድመው ቀጠሮ ለማስያዝ በ202 390 2706 ይደውሉልን። ይደሰቱብናል። …ከርሶ ጋር የሚቀሩት ቪዲዮና እና ፎቶዎቻችን ናቸው።

Mekwamia studios

ቨርጂኒያ በሚገኘው የደ/ኃ/ቅ/ራጉኤል ቤተክርስቲያን ምረቃ በዓል ፣
ቅዳሴ ቤቱ ፣ ስርዓተ ማህሌቱ ፣ ቅዳሴው እና ንግሱ… ባማረ እና በደመቀ መልኩ ተከበረ።
እንዲህ ድምቅ ብለን እንድናከብር ምክንያት ለሆናችሁን ሁሉ መልአኩ ቅዱስ እራጉኤል ከፊት ይቅደምላችሁ። ከረጅም እድሜ እና ጤና ጋር ያኑርልን።
ፎቶ በመቋሚያ እስቱዲዮ…
We serve all of DC, MD , VA and other surrounding states. Contact us today to book your upcoming event! Message our page or call 202-390- 2706
ዋሽንግተን ዲሲ ቨርጂንያ እና ሜሪላንድ ነዋሪ ከሆኑ በርካታ ሰርጎችን ፣ መልሶችን ፣ የቪዲዮ ክሊፖችን ፣ ልደቶችን ፣ ክርስትናዎችን ፣ ዌዲንግ ሻወሮችን ፣ ቤቢ ሻወሮችን እና የቤተሰብ የቪዲዮ እና የፎትግራፍ ስራዎችን በጥራት እና ቅልጥፍና እንሰራለን። ለበለጠ መረጃ እና ቀድመው ቀጠሮ ለማስያዝ በ202 390 2706 ይደውሉልን። ይደሰቱብናል። …ከርሶ ጋር የሚቀሩት ቪዲዮና እና ፎቶዎቻችን ናቸው።

Debre Haile kidus Raguael Ethiopian Orthodox Tewahedo Church Sterling, VA

Debre Haile kidus Raguael Ethiopian Orthodox Tewahedo Church Sterling, VA

ማኅሌተ ጽጌ
የመጀመሪያ ሳምንት ወረቦች በዜማና የማኅሌቱን ቃለ እግዚአብሔር ለማግኘት - https://drive.google.com/open?id=13YU89i6VznQlo_zOclAnmIlw38lkB1xT

Debre Haile kidus Raguael Ethiopian Orthodox Tewahedo Church Sterling, VA

እንኳን ለዘመነ ዮሐንስ አደረሳችሁ
በሊቀ ማእምራን ኃይለ ልዑል ስዩም

በስመ አብ፣ ወወልድ፣ ወመንፈስ ቅዱስ፣ አሐዱ አምላክ፤ አብን ወላዲ፣ አሥራጺ፤ ወልድን ተወላዲ፤ መንፈስ ቅዱስን ሠራጺ ብለን፤ ምንም ለአጠይቆ አካላት በስም፣ በግብር፣ በአካል፣ በኩነታት ሦስት ብንልም፣ በባህርይ፣ በህልውና፣ በአገዛዝ፣ በቅድምና፣ አንድ አምላክ በሚሆን በእግዚአብሔር አምነን፤ በአምላክ እናት በድንጋሌ ሥጋ፣ በድንጋሌ ነፍስ በጸናች በእመቤታችን በቅድስት ድንግል ማርያም አማላጅነት ተማጽነን፤ ረድኤተ እግዚአብሔርን አጋዥ በማድረግ የኢትዮጵያን የዘመን አቆጣጠር እናቀርባለን።

ለዘመኑ ጥንትና ፍፃሜ፣ ለመንግሥቱ ኅልፈትና መለወጥ፣ ለምሕረቱ ወሰን፣ ለፍቅሩ ገደብ የሌለው፣ ምሥጋና ገንዘቡ፣ መመለክ የባህርዩ የሆነ የዘለዓለም አምላክ ልዑል እግዚአብሔር በፀጋው ሙላት ጠርቶ በቀራንዮ አደባባይ በልጁ በኢየሱስ ክርስቶስ ባሳየው ጥልቅ ፍቅር በደሙ የዋጃችሁ ምእመናን ከሁሉ አስቀድሞ የዓለማት ፈጣሪና የዘመናት ጌታ ልዑል እግዚአብሔር ክብርና ምሥጋና ይግባውና እንኳን ለ2012 ዓ.ም። ዘመነ ዮሐንስ በሰላምና በጤና አደረሳችሁ! ህያው እግዚአብሔርን በአዲስ ልብና መንፈስ ለማምለክ ሁለንተናችንን የምናድስበት አዲሱ ዘመን እነሆ ደረሰ። ስለሆነም፣ በዚህ አዲስ ዘመን አካሄዳችንን ከልዑል እግዚአብሔር ጋር በማድረግ፣ ዘመኑን መዋጀት እንችል ዘንድ፣ በአዲሱ ዓመት የሚከበሩትን በዓላትና የሚጾሙትን አጽዋማት ለይቶ የሚያሳውቀንን የሀገራችንን የዘመን አቆጣጠር ቀጥለን እንመለከታለን።
ይህ የዘመን አቆጣጠር ባሕረ ሃሳብ በመባል ይታወቃል። ባሕረ ሃሳብ የተባለበትም ምክንያት፣ በባሕር ውስጥ ያለውን ሁሉ ከእግዚአብሔር በስተቀር የሚያውቀው እንደሌለ ሁሉ፣ በዘመን የሚከናወነውንም ከእግዚአብሔር በስተቀር የሚያውቀው የለምና።
የኢትዮጵያ የዘመን አቆጣጠር ሦስት መሰረቶች አሉት። እነርሱም፦
• የመጀመሪያው ፣ ተዘዋዋሪ የሆኑ አጽዋማትንና በዓላትን ስርጭት የምናሰላበት፣ በ12ኛው የእስክንድርያ ሊቀጳጳሳት በቅዱስ ዲሜጥሮስ የተዘጋጀው ባሕረ ሐሳብ ነው።
• ሁለተኛው የዓለምን የዘመን አቆጣጠር የምንረዳበት፣ በተለይም፣ የጸሐይንና የጨረቃን ዐውደ ዓመት ቀመርን የምናውቅበት የአቡሻክር የዘመን አቆጣጠር ነው።
• ሶስተኛው ደግሞ፣ በመጽሐፈ ሄኖክ ላይ የተመሰረተው በጸሐይና በጨረቃ ዑደት የሚቆጠረውን ቀመር የተከተለው ቀመር ነው።
እግዚአብሔር እምቅድመ ዓለም እንደዛሬው ሁሉ አንድነቱ ሦስትነቱን ሳይጠቀልለው፤ ሦስትነቱ አንድነቱን ሳይከፍለው፤ በአንድነቱ ምንታዌ (ሁለትነት)፤ በሦስትነቱ ርባኤ (አራትነት) ሳይኖርበት፤ በአንድነት በሦስትነት ሲመሰገን ነበር። በኋላ ግን ክብሩ በእራሱ ብቻ እንደቀረ አውቆ ዓለምን ፈጠረ። ከፍጥረታቱም መካከል ሰውንና መላእክትን ስሙን ለመቀደስ ክብሩን ለመውረስ ሲፈጥራቸው ሌላውን ፍጥረት ግን ለአንክሮ ለተዘክሮ፣ ለምግበ ሥጋ ሊሆን ፈጥሮታል። ስለሆነም እግዚአብሔር ፍጥረታትን ሲፈጥር ጊዜም አብሮ ተገኘ አብሮ ተፈጠረ። በመሆኑም ጊዜ ከፍጥረታት ጋር አብሮ የተፈጠረ ስለሆነ ጊዜ ለሁሉም በእኩልነት የተሰጠ ታላቅ ስጦታ ነው። ይህንንም እውነታ ጠቢቡ ሰሎሞን በመጽሐፈ መክብብ በምእራፍ 3 ቁጥር ከ1 እስከ 9 ባለው ክፍል፣ “ለሁሉም ዘመን አለው፤ ከሰማይ በታች ለሆነው ነገር ሁሉ ጊዜ አለው፤ ነገርን ሁሉ በጊዜው ውብ አድርጎ ሰራው” በማለት በአምላካዊ ጥበብ ውብ ሆነው ለተፈጠሩ ፍጥረታት ሁሉ የመጀመሪያና የመጨረሻ ጊዜ እንዳላቸው በትክክል ገልጾታል።
በመሆኑም፣ ልዑል እግዚአብሔር የሰው ልጅ ይህንን የጊዜ መስተጋብር እንዲያጠናው፣ እንዲመረምረውና እንዲጠቀምበት በእለተ ረቡዕ ጸሐይንና ጨረቃን ከዋክብትንም ፈጥሯል። ይህም በኦሪት ዘፍጥረት በምእራፍ 1 ከቁጥር 14 እስከ 15 ድረስ ባለው ክፍል ተጠቅሷል። “እግዚአብሔርም አለ፤ ቀንና ሌሊትን ይለዩ ዘንድ፣ ብርሀናት በሰማይ ጠፈር ይሁኑ፤ ለምልክቶች፣ ለዘመኖች፣ ለእለታት፣ ለአመታት ይሁኑ አለ፤ እንዲሁም ሆነ”። ስለዚህ፣ ጊዜን እንድናውቅባቸው እለታትን፣ ወራትን፣ አመታትን ለይተን እንድናሰላባቸው እርሱ ባወቀ ገንዘብ ጸሐይን፣ ጨረቃንና ከዋክብትን ፈጥሮ ለሰው ልጅ ሰጥቷል። ለዚህ ነው በመጽሐፈ ሲራክ ምእራፍ 17 ቁጥር 3 ላይ፣ እግዚአብሔር ለሰዎች ዓመታትንና ዘመናትን በቁጥር ሰጣቸው ያለው።
የኢትዮጵያ ዘመን አቆጣጠር ከፍጥረተ ዓለም፣ ከፍጥረተ ፀሐይ፣ ጨረቃና ከዋክብት ይጀምራል።። ኢትዮጵያ በመጽሐፈ ነገሥት በምእራፍ 10 ከቁጥር 1 እስከ 9፣ በሁለተኛ ዜና መዋእል ምእራፍ 9 ከቁጥር 1 እስከ 12፣ በማቴዎስ ወንጌል በምእራፍ 12 ቁጥር 42 ላይ እንደተጻፈው፣ አስቀድማ ብሉይ ኪዳንን የተቀበለች ሀገር ነች። በኋላም በሐዋርያት ሥራ በምእራፍ 8 ከቁጥር 26 እስከ ቁጥር 40 እንደተጻፈው፣ በ34 ዓመተ ምሕረት በጃንደረባው አማካይነት ሐዲስ ኪዳንን የተቀበለች ሀገር በመሆኗ፣ የዘመን አቆጣጠሯ ጥንታዊ፣ መሠረቱን የጠበቀ፣ የቅዱሳት መጻሕፍትን ትምህርት የተከተለ ነው። ኢትዮጵያ በውጪው ዓለም በተለያዩ ዘመናት በባእድ ነገሥታትና ጳጳሳት ተጽእኖና ጣልቃ ገብነት በተደረጉት የዘመን አቆጣጠር ለውጦች ተጽእኖ ስር ያልወደቀች፣ ነጻነቷን ጠብቃ የቆየች፣ ቅዱሳት መጻሕፍትን ብቻ ተከትላ ጊዜን ስትቆጥር የቆየች፣ ሀገር ናት።። በተለይም፣ በሮም መንግስታዊም ሆነ ሃይማኖታዊ ስር ባለመሆኗ፣ በእለታት ስያሜዋ፣ በ1 ወር ውስጥ ባሉ የቀናት ብዛት፣ በ1 ዓመት ውስጥ ባሉት የቀናትና የሰአታት ብዛት፣ ወደ ቀኝም ሆነ ወደ ግራ ሳትል፣ ትክክለኛውን የዘመን አቆጣጠር ጠብቃ እስከዛሬ ደርሳለች።። በመሆኑም፣ የዘመን አቆጣጠሯ፣ ሃይማኖታዊ መሠረት ያለው ነው። ለዚህም ማስረጃው፣ የእለታቱ ስያሜ ነው።
እሁድ ማለት በግእዝ 1፣ መጀመሪያ፣ ማለት ሲሆን፣ ይህም እግዚአብሔር ዓለምን መፍጠር የጀመረበት ማለት ነው። መሰረቱም በኦሪት ዘፍጥረት በምእራፍ 1 ቁጥር 1 እግዚአብሔር በመጀመሪያ ሰማይንና ምድርን ፈጠረ የሚለውን የሥነ ፍጥረት ሐሳብ መነሻ የሚያደርግ ነው። ሁለተኛው እለት ደግሞ ሰኞ ወይም ሰኑይ የሚል ስያሜ ያለው ሲሆን፣ ይህም ሁለተኛ ማለት ነው። ሁለተኛነቱም ለፍጥረት ነው። ቀጥሎ ያለው እለት ደግሞ ሠሉስ ወይም ማግሰኞ ሲሆን መሠረቱም ሦስት፣ ሦስተኛ ማለት ሲሆን፣ ይህም ለፍጥረት ሦስተኛ እለት ማለት ነው። የአማርኛውም ስያሜ ማግስተሰኞ የሰኞ ማግስት ማለት ነው። ቀጥሎ ያለው እለት ረቡዕ ሲሆን፣ ይህም በግእዝ አራተኛ ማለት ሲሆን፣ አራተኛነቱም ለፍጥረት ነው። ይህም እለት በተጨማሪ ጥንተ ኦን ወይም ጥንተ ዮን የሚባል ሲሆን፣ ጥንተ ጸሐይ፣ ጥንተ ጨረቃ፣ ጥንተ ከዋክብት ማለት ነው። ቀጥሎ ያለው እለት ደግሞ ኀሙስ ይባላል። ይህም አምስተኛ ማለት ሲሆን፣ አምስተኛነቱም ለፍጥረት ነው። ቀጥሎ ያለው ቀን አርብ የሚባል ሲሆን፣ ይህም መጨረሻ ማካተቻ ማለት ነው። ይህም ማለት፣ በመጀመሪያ፣ የፍጥረት መጨረሻ፣ ፍጥረት የተፈጸመበት ማለት ነው። እንዲሁም በኦሪት ዘጸአት በምእራፍ 16 ቁጥር 5ና 22 እንደተጻፈው፣ የመና መካተጫ ማጠናቀቂያ ማለት ነው። እንዲሁም፣ ጌታችንና መድኃኒታችን ኢየሱስ ክርስቶስ የሥጋዌ የማዳን ሥራውን የጨረሰበት፣ የፈጸመበት እለት አርብ በመሆኑ፣ መጨረሻ፣ ማካተቻ የሚል ስያሜ ተሰጥቶታል። የመጨረሻውን እለት ቀዳም፣ ቀዳሚት፣ ቅዳሜ በማለት የሰየሙት ሲሆን፣ በኦሪት ዘፍጥረት ምእራፍ 2 ቁጥር 2 እንደተጻፈው፣ የመጀመሪያዋ፣ ቀዳሚዋ የብሉይ ኪዳን ሰንበት፣ የእረፍት ቀን ማለት ነው። ከሰንበተ ክርስቲያን የምትቀድም ማለት ነው።
በአንጻሩ፣ የመዕራባውያን የእለታት ስያሜ መሠረቱ የጣኦት አምልኮ ነው። ይህም የሆነበት ምክንያት፣ ለብሉይም ሆነ ለሐዲስ ኪዳን እንግዳ በመሆናቸው ነው። የወራቶቻቸውም ስያሜ እንዲሁ የጣኦቶቻቸውንና የነገሥታትን ስያሜ የያዙ ናቸው።
በኢትዮጵያ የዘመን አቆጣጠር፣ 1 ቀን የሚባለው፣ 12 ሰአተ መአልት ነው። 12ቱን የብርሃን ሰአታት መአልት ወይም ቀን፣ 12ቱን የጨለማ ሰአታት ደግሞ ሌሊት እንላቸዋለን። 24ቱ ሰአት ግን 1 እለት ይባላል። ስለዚህ፣ እለት ማለት የመአልትና የሌሊት ድምር ነው ማለት ነው።
ዓለም ከተፈጠረ፣ ዘመን ከተቆጠረ፣ በፀሐይ 7512፣ በጨረቃ ደግሞ 7745 ዓመት ከ150 ቀናት ዓመተ ዓለም ነው። ይኸውም፡
ከጌታችንና ከመድኃኒታችን ከኢየሱስ ክርስቶስ ልደት በፊት የነበረው 5500 ዘመን ዓመተ ፍዳ ዓመተ ኩነኔ ይባላል።። “በኀሙስ ዕለት ወበመንፈቃ ለዕለት እትወለድ እምወለተ ወለትከ - አምስት ቀን ተኩል ሲፈጸም፣ ከልጅ ልጅህ ተወልጄ አድንሃለሁ” /ቀሌምንጦስ/ እንዳለው፣ አምስት ቀን ተኩል የተባለው ይህ አምስት ሺህ አምስት መቶ ዘመን ማለት ነው።። ይህ ሲተነተን፦
• ከአዳም እስከ ኖህ መርከብ ያለው ዘመን 2256
• ከኖህ መርከብ እስከ ሙሴ የመገናኛው ድንኳን ድረስ፣ 1852
• ከሙሴ የመገናኛ ድንኳን እስከ መቅደሰ ሰሎሞን 480
• ከመቅደሰ ሰሎሞን እስከ መቅደሰ ዘሩባቤል፡ 510
• ከመቅደሰ ዘሩባቤል እስከ ልደተ ክርስቶስ 402፤ ድምር 5500 ይሆናል።

ይህ ዘመን በአጠቃላይ፣ ዓመተ ፍዳ፣ ዓመተ ኩነኔ ይባላል፤ ምሕረት ያልተገኘበት ዘመን ማለት ነው።
ከልደተ ክርስቶስ በኋላ እስካሁን ድረስ ያለው ዘመን ደግሞ 2012 ዓመት ሲሆን፣ ዓመተ ምሕረት፣ ዓመተ ሥጋዌ ወይም የሐዲስ ኪዳን ዘመን ይባላል።
የዘመነ ብሉይ እና የዘመነ ሐዲስ ድምር በጠቅላላው ዓመተ ዓለም ይባላል። ይህም 5500 ዓመተ ፍዳ ሲደመር፣ 2012 ዓመተ ምሕረት 7512 ዓመተ ዓለም ይሆናል።

ዘመን ሲቆጠር፣ በጸሐይ ብቻ ሳይሆን፣ በጨረቃም ይቆጠራል። ምክንያቱም አንድ ዐውደ ዓመት የሚባለው በጸሐይ 365 ቀን ከ15 ኬክሮስ ሲሆን፣ በጨረቃ ደግሞ 354 ቀን ከ22 ኬክሮስ ነው። በወርም ደረጃ አንድ ወር የሚባለው በጸሐይ ሙሉ 30 ቀናት ሲሆን፣ በጨረቃ ግን አንድ ወር 30 አንድ ወር ደግሞ 29 ይሆናል። ይህም ማለት ስድስት ወራት ሙሉ ሠላሳ ቀናት፤ ስድስት ወራት ደግሞ ሃያ ዘጠኝ ቀናት ማለት ነው። ወደ ቀናት ስንመነዝረው፣ 6 ×30 = 180ና 6 × 29 = 174 ይሆንና ሁለቱ ሲደመር /180 + 174/፣ 354 ይሆናል። ይህም የጨረቃ አንድ ዐውደ ዓመት ማለት ነው።
ዓለም ከተፈጠረ ዘመን ከተቆጠረ እስከ ዛሬ ማለትም 2012 ዓ/ም ድረስ በጸሐይ፣ 7512 ዓመተ ዓለም ሲሆን፣ በጨረቃ ደግሞ፣ 7745 ዓመት ከ150 ቀናት ዓመተ ጨረቃ ነው።

ከዚህ ቀጥለን ደግሞ፣ በኦርቶዶክሳዊት ቤተ ክርስቲያን ሥርዓተ አምልኮ መሠረት፣ በ2012 ዓመተ ምሕረት የሚጾሙ አጽዋማትንና የሚከበሩ በዓላትን እናቀርባለን። በ2012 ዓመተ ምሕረት አበቅቴው 6፤ መጥቅዑ 24፤ ወንበሩ 6፤ መባጃ ሐመሩ ደግሞ 2 ነው። እንግዲህ ይህንን መባጃ ሐመር ከኢያንዳንዱ ጾም ወይም በአል ተውሳክ ጋር በመደመር የዚህን ዓመት አጿማትንና በዓላትን ማውጣት ይቻላል።
ጾመ ነነዌ የእራሷ ተውሳክ ስለሌላት፣ በመባጃ ሐመሩ ብቻ ትወጣለች።። በዚህ ዐመት የካቲት እሁድ ይብታል። እሁድ 1፣ ሰኞ 2፤ በመሆኑም፣ የካቲት 2 ቀን ጾመ ነነዌ ትሆናለች።
የዐቢይ ጾም ተውሳክ 14 ነው። ይህ 14 ተውሳክ ከዓመቱ መባጃ ሐመር (2) ጋር ሲደመር፣ 16 ይሆናል፤ በዚህ ዐመት የካቲት እሁድ ይብታል፤ እሁድ ለእሁድ 8፣ እሁድ ለእሁድ 15፣ ሰኞ 16፤ ስለሆነም፣ የካቲት 16 ቀን የጌታችንና የመድኃኒታችን የኢየሱስ ክርስቶስ ጾም (አቢይ ጾም) ይገባል።
የደብረ-ዘይት ተውሳክ 11 ነው።። 11 ከ2 መባጃ ሐመር ጋር ሲደመር፣ 13 ይሆናል።። መጋቢት ማግሰኞ ይብታል። ማግሰኞ ለማግሰኞ 8፣ ማግሰኞ ለማግሰኞ 15፤ ሁለቱን ታግሶ፣ ወይም ቀንሶ፣ መጋቢት 13 ቀን በዓለ ደብረ-ዘይት ይሆናል።
የሆሳእና ተውሳክ 2 ነው።። 2 ተውሳክ ከ2 መባጃ ሐመር ጋር ሲደመር፣ 4ይሆናል። ሚያዚያ ኀሙስ ይብታል። ኀሙስ 1፣ አርብ 2፣ ቀዳሚት 3፣ እሑድ 4፤ በመሆኑም፣ ሚያዚያ 4 ቀን በአለ ሆሳእና ይሆናል።
የአይሁድ ፋሲካ ወይም በአለ ፍስሕ ተውሳክ 10 ነው።። በመባጃ ሐመር ስለማይወጣ፣ በመጥቀዕ ብቻ ይወጣል።። በዚህም መሠረት፣ መጥቀዕ 24፣ ሲደመር፣ 10 =34፤ ይህ ቁጥር ወይም 34 በሰላሳ ሲገደፍ፣ ወይም ከ34 ላይ 30 ሲቀነስ፣ 4 ይቀራል። ሚያዚያ ኀሙስ ይብታል። ኀሙስ 1፣ አርብ 2፣ ቀዳሚት 3፣ እሁድ 4፤ ሚያዚያ 4 ቀን የአይሁድ ፋሲካ ይሆናል። ለዚህም ማረጋገጫው፣ የአይሁድ ፋሲካ ሁል ጊዜ፣ ከሳኒታ መጥቀዕ ጀምሮ በመቁጠር፣ 190 ቀናት፣ መሆኑን፣ ሌሊቱ 14፣ በሰሙነ ሕማማትና መጥቀዕ ከዋለበት እለት ቀጥሎ ባለው እለት ስለሚውል፣ ይህንን በጥንቃቄ ማስተዋል ይገባል።
የስቅለት ተውሳክ 7 ነው።። 7 ከ2 መባጃ ሓመር ጋር ሲደመር፣ 9 ይሆናል። ሚያዚያ ኀሙስ ይብታል፤ ኀሙስ ለኀሙስ 8፣ ዐርብ 9፤ ስለሆነም፣ ሚያዚያ 9 ቀን የጌታችንና የመድኃኒታችን የኢየሱስ ክርስቶስ በአለ ስቅለት ይሆናል።
የትንሳኤ ተውሳክ 9 ነው።። 9 ከ2 መባጃ ሐመር ጋር ሲደመር፣ 11 ይሆናል። ሚያዚያ ኀሙስ ይብታል፤ ኀሙስ ለኀሙስ 8፣ ዐርብ 9፣ ቅዳሜ 10፣ እሁድ 11፤ ስለሆነም፣ ሚያዚያ 11 ቀን የጌታችንና የመድኃኒታችን የኢየሱስ ክርስቶስ በአለ ትንሣኤ ይሆናል።
የርክበ ካህናት ተውሳክ 3 ነው።። 3 ከ2 መባጃ ሐመር ጋር ሲደመር፣ 5 ይሆናል።። ግንቦት ቀዳሚት ይብታል፤ ቀዳሚት 1፣ እሁድ 2፣ ሰኞ 3፣ ማግሰኞ 4፣ ረቡዕ፣ 5፤ ግንቦት 5 ቀን ርክበ ካህናት ይሆናል።
የእርገት ተውሳክ 18 ነው።። 18 ከ2 መባጃ ሐመር ጋር ሲደመር፣ 20 ይሆናል። ግንቦት ቀዳሚት ይብታል፤ ቀዳሚት ለቀዳሚት 8፣ ቀዳሚት ለቀዳሚት 15፣ ቀዳሚት ለቀዳሚት 22። ሁለቱን ታግሶ፣ ወይም ቀንሶ፣ ግንቦት 20 ቀን የጌታችንና የመድኃኒታችን የኢየሱስ ክርስቶስ በአለ እርገት ይሆናል።
የበአለ ጰራቅሊጦስ ተውሳክ 28 ነው።። 28 ከ2 መባጃ ሐመር ጋር ሲደመር፣ 30 ይሆናል።። ግንቦት ቀዳሚት ይብታል። ቀዳሚት ለቀዳሚት 8፣ ቀዳሚት ለቀዳሚት 15፣ ቀዳሚት ለቀዳሚት 22፣ ቀዳሚት ለቀዳሚት 29፣ እሁድ 30፤ በመሆኑም፣ ግንቦት 30 ቀን በአለ ጰራቅሊጦስ ይሆናል።
የጾመ ሐዋርያት ተውሳክ 29 ነው። 29 ከ2 መባጃ ሐመር ጋር ሲደመር፣ 31 ይሆናል።። ከዚህም 30 ስንቀንስ፣ ወይም ስንገድፍ፣ 1 ይቀራል። ሰኔ ሰኞ ይብታል። ስለሆነም፣ ሰኔ 1 ቀን ጾመ ሐዋርያት ይገባል።
የጾመ ድኅነት ተውሳክ 1 ነው።። 1 ከ2 መባጃ ሐመር ጋር ሲደመር፣ 3 ይሆናል። ሰኔ ሰኞ ይብታል።። ሰኞ 1፣ ማግሰኞ 2፣ ረቡዕ 3፤ በመሆኑም፣ ሰኔ 3 ቀን ጾመ ድኅነት ይገባል።
ይህ ዐውደ-ዓመት፣ አዲሱን ዘመነ-ዮሐንስ በኣካሄዳችን ሁሉ እግዚአብሔርን በፍፁም ለማገልገል በሚመች አዲስ ልብ የምንጀምርበት መንፈሳዊ እለት ነው። ስለሆነም፣ ነገ ሳይሆን ዛሬ፤ በኋላ ሳይሆን አሁን፤ በንስሐ ወደ ፀጋው ዙፋን እንቅረብ!። ታላቁ ርዕሰ ነቢያት ኢሳይያስ በምዕራፍ 55 ቁጥር 7 ላይ፡ “ክፉ ሰው መንገዱን በደለኛም ሐሳቡን ይተው! ወደ እግዚአብሔርም ይመለስ! እርሱም ይምረዋል፡፡ ይቅርታውም ብዙ ነውና ወደ አምላካችን ይመለስ!” ይላል፡፡። በልዩ ልዩ ሰው ሰራሽና ዐለማዊ ትብትብና ሸክም፣ በኃጢአት ቀንበር የልቡናችን ጀርባ የጎበጠ፣ መቸም የማይረካ ሥጋዊ ምኞታችንንና ፍላጎታችንን ተከትለን ገንዘብ፣ ሥልጣንና ኃላፊ ውበትን እንደጣኦት በማምለክ መንፈሳዊ ሕይዎታችን ለደከመብን ለሁላችንም ለሥጋና ለነፍስ ድካማችን ፍፁም እረፍትን የሚያድል፣ በኃጢአትና በዐለማዊ ኮተት ለቆሰለው ልባችን በደሙ አምላካዊ ፈውስ የሚሰጥ፣ ከሁሉም በላይ ደግሞ የሕይዎት ምንጭ፣ የሕግ ባለቤትና የዘለዓለም አምላክ ወደሆነው ወደ ልዑል እግዚአብሔር የምሕረት ዙፋን እንቅረብ!
የዘመናት ጌታ፣ የጊዜ ባለቤት፣ የዘለዓለም አምላክ ልዑል እግዚአብሔር እነዚህን አጿማት ጾመን፣ እነዚህን በዓላት አክብረን የክብረ-መንግሥቱ ወራሾች፣ የጸጋው ተካፋዮች መሆን እንድንችል ቅዱስ ፈቃዱ ይሁንልን።። አዲሱ ዓመት ዘመነ ዮሐንስ የሰላም፣ የፍቅር፣ የጸጋ፣ የበረከትና እግዚአብሔርን የማገልገያ ዓመት ይሁንልን።
ወስብሐት ለእግዚአብሔር፤ አነሳስቶ ላስጀመረን፣ አስጀምሮ ላስፈጸመን ለክብር ባለቤት ለልዑል እግዚአብሔር ክብርና ምሥጋና ይግባው። አሜን