TCBC

Comments

https://www.youtube.com/watch?v=GCICWFxcEvs

https://www.youtube.com/watch?v=wNwLkq-NuNY

A tanglei ca hi 2017 TCBC Lai ca cawnnak ah kan nau le nih an tialmi si. Biahalnak phunthum kan tuah i an duh mi an i thim. 1. Ca chimtu saya/sayamah si law, zeitindah na sianghngakchia na chim lai? 2. Sianginn kai nih zei dah thathnemnak an pek? 3. Zeiruangah dah Lai ca cawn hi a herh? Hmailei na nunnak caah zeitin an bawmh lai? Laica cawn hi a herhnak cu laimi kan si I laimi nih laiholh kan thiam lo ahcun ningzak a si. Mah lawng siloin kan nu le kan pa kan chawn kho hna lai lo. Kan laimi hawizong kan chawn kho hna lai lo. Laimi si i lai holh thiam lo ah cun san na tlai lo. Laica cawn cu laimi hrang ah a tha tuk. -Ngun Tha Sui (Suipi) (Kum 12) Sianginn kai nih tampi a kan bawmh, zeitin tiah cun mirang holh thiamnak tampi a kan pek. Mah lawng siloin fimnak zong a kan pek. Sianginn kai mi hawi hlei in a fim zong an fim deuh ti cu theih a si ko. Cun, hawi zong tam pi sianginn ah kan ngei. Sianginn kai lo ahcun inn ah kan um I kan um har. -Samuel Van Tha Lian (Kum 13) Sianginn kainih thathnemnak cu tampi a chuakpi. Sianginn kai mi ngakchia cu a fim zong an fim deuh ngaingai ti cu ahopoh nih theih dih a si. Sianginn kai ah cun hawikom tha zong tam pi ngeih a si. U.S ah sianginn kan kai I, ramdang mi zong an kai ve. Ramdang nunphung, ziaza tampi zong hmuh le theih a si. An nunphung zong ah a thatnak le a chiatnak tampi an um. Cucaah lungfim tein um lo ahcun tlau a fawi ngaingai. US ah sianginn kan kai khawh mi hi mi vantha taktak kan si. US sianginn kai ah cun ca a kan chimh mi zong hi a sang deuh I fimnak zong tam deuh kan I lak khawh. US cu ram thangcho a si I, sianginn kai zong hi a nuam tak tak. US sianginn kai ahcun ca lawng cawnlo in zangleknak zong tampi an um. Pumpululh chuih siseh, basketball siseh, American pumpululh siseh, tampi tuah awk an um. Kan saya te sihnaseh, a kan cawnpiak ning hi a tha taktak. Laimi US ah sianginn hna kan kai khawh mi hi Pathian thluachuah a si. -Van Nun Cung (Kum 14) Lai ca cawn hi a herh a ruang cu American um mi hngakchia cu mirang holh in an holh I lai holh in an holh kho tuk lo. Lai ca zong an thiam tuk lo. Lai catial zong an thiam tuk lo. Cucaah cun, laica kan cawng ah cun kan laiholh le kan laica kan philh lai lo. Lai ca ka cawn mi nih hin hmailei ka nunnak ah a ka bawmh ning cu, lai lei a um mi ka chungkhar hna he tha tein kan I chawn kho lai. Cu lawng siloin laimi ka si caah laiholh cu thiam ding ka si. Aruang cu laimi si I lai holh thiam lo cu ningzak tuk a si. Laiholh siseh, ramdang holh siselh, holh tampi thiam cu a tha deuh. -Sonia Run Chin Par (Kum 13) Cachimtu sayamah ka si ah cun ka sual lai lo nain an hawi ka si ve lai lo. Zungput ah an kal kho sihmanhsehlaw cangsualmi (emergency) a si lawngah an kal kho. Tha tein an um ah cun laksawng ka pek hna lai. An sual ah cun dantatnak ka pek hna lai. Zulhding mi phunglam tam tuk an um lai lo. Pakhatnak cu, midang an holh lio ah holh lo ding. Pahnihnak cu, mithil na fir lai lo. Pathumnak, mi na nihsawh lai lo. Palinak cu, sayamah bawm tu sin ah nun ziaza dawh lo in nan um lai lo. Pangaknak, mi vialte na upat hna lai. -Laura Lai Iang Tha Chin (Kum 13) Sayamah ka si ah cun, ka sual tuk lai. Chimh an ngaih lo ahcun, U Sangte bantukin ka vuak hna lai. Chimh an ngai lo ah cun, candy ka pek hna lai. Hna an hnok ah cun rawl ka ei ter hna lai lo. Ca kan rel lai. Ka chimhmi an ngai lo ahcun ka chim than hna lai lo. Thil a har tuk mi ka tuah ter hna lai. Ngakchia cu hna an hnok tuk. Ngakchia cachimh cu ka duh lo. Upa lawng ka chimh duh. Caa kan rel lai I thil an tial lai. -Ngun Tha Sui ( Kum 10) Laica cawn cu a herh tuk mi a si, laimi na si ahcun cawn hrimrhim a hau. Na pat tikah laica cu, nan theih lo ahcun ningzakin na um lai. Laica cawn hi a nuam ngaingai, saya le sayamah pawl zong an zia tha tak. Mirang holh le mirang ca tial bantukin nan cawn ahcun, laiholh le laica tial cu thiam a fawi. Laica cawnnak ah tuanbia le lentecelh kan tuah I a nuam, hawi he cawn ti zong a nuam. Hmailei ka nunnak ah laica theih a hau, sianginn ah ka sayamah nih,” Laica kan tial piak ta,” tiah a ti. Nifatin kan nunnak ah laica kan hman peng; Laica cawn lawng ah laiholh le laica tial hman ding a si lo. Social media zong ah an tar mi thawngpang ahkhin, laica in an tial I na theih hau. Fa ka ngeih tikah, laiholh le tial ka chimh te hna lai. Lai ca cu na thiam ding a si. Philip Bawi Cung Lian ( Kum 13) A dang zong kan van tar than te lai. Kan print lai i, nu le pa sin zong ah kan phawt zamh te lai.