சத்தியவசனம் - Sathiyavasanam (Sri Lanka)

வணக்கம்! உங்களுக்கு எமது அன்பு வாழ்த்துக்கள்...

www.sathiyavasanam.lk Back to the Bible was incorporated by Act of Parliament No. 17 of 1972, for the purpose of teaching the message of the Christian scriptures through various forms of media and technology.

We operate as a not for profit Christian service organisation, funded by donations from individuals and churches and other organisations with similar interests. We have served in Sri Lanka since May 1955. In our 55 years of operation we have been of service to many thousands of individuals from all parts of the country and walks of life, and from all language and religious backgrounds in Sri Lanka

Operating as usual

அனுதினமும் தேவனுடன் – சத்தியவசனம் 31/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [31 ஜுலை, 2021 சனி]

📙 இன்றைய தியானத்துக்குரிய வேதபகுதி: லூக்கா 7:24-35

தீர்க்கதரிசியைப் பார்க்கிலும் பெரியவர்

இதோ, நான் என் தூதனை உமக்கு முன்பாக அனுப்புகிறேன். அவன் உமக்கு முன்னே போய், உமது வழியை ஆயத்தம்பண்ணுவான். லூக்கா 7:27

தேவனுடைய செய்தி:
தேவன் தரும் ஞானமானது நீதியுள்ளதாய் இருக்கிறது.

தியானம்:
மனிதராய்ப் பிறந்தவர்களுக்குள் யோவானைவிடப் பெரியவர் ஒருவருமில்லை என கூறிய இயேசு, தேவனுடைய ராஜ்யத்தில் சிறியவனாயிருக்கிறவன் யோவானைப் பார்க்கிலும் பெரியவனாய் இருக்கிறான் என்றார்.

விசுவாசிக்க வேண்டிய சத்தியம்:
ஞானம் மெய்யானது. அதை ஏற்றுக்கொண்டோரின் செயல்களே சான்று. இயேசு தீர்க்கதரிசிகளைப் பார்க்கிலும் பெரியவர்.

பிரயோகப்படுத்தல் :
வனாந்திரத்தில் யார் யாரைப் பார்க்க சென்றதாக இயேசு கூறுகின்றார்? அவரை விட மேலானவர் யார்?

“இதோ! என் தூதனை (யோவான் ஸ்நானகனை) உமக்கு முன் அனுப்புகி றேன். அவர் உமக்குமுன் உமது வழியை ஆயத்தம் செய்வார்" இங்கு உமக்கு, உமது என வசனம் குறிப்பிடுவது யாரை?

இயேசுவுக்கு முன் அனுப்பப்பட்ட தீர்க்கதரிசிகளைப் பார்க்கிலும், இயேசு பெரியவர் என்ற சத்தியத்தை யூதர்கள் கவனிக்கத் தவறியது ஏன்?

தேவன் நீதிபரர் என்று அறிக்கையிட்டு, யோவானிடம் ஞானஸ்நானம் பெற்ற வர்கள் யார் யார்? பரிசேயரும் வேதபாரகரும் எதைத் தள்ளிவிட்டார்கள்? ஆண்டவர் வகுத்த தேவ திட்டத்தை இன்று நான் புறக்கணிக்கிறேனா?

வசனம் 32, 34ன்படி, குறை சொல்லி, விளையாடும் சிறு பிள்ளைகளுக்கு ஒப்பானவர்கள் யார்? அவர்கள் இயேசுவைக் குறித்தும் யோவானைக் குறித்தும் கூறுவது என்ன? அவர்களை யாருக்கு ஒப்பிடலாம்?

💫 இன்றைய எனது சிந்தனை:

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 30/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [30 ஜுலை, 2021 வெள்ளி]

📙 இன்றைய தியானத்துக்குரிய வேதபகுதி: 1சாமு 3:15-19 1இராஜா 8:54-61

தவறிப்போகாத வார்த்தை

அவர் தம்முடைய எல்லா வார்த்தைகளிலும் ஒன்றையாகிலும் தரையிலே விழுந்துபோக விடவில்லை. 1சாமுவேல் 3:19

பல பிரமுகர்களைப் பலர் புகழ்ந்துபேசக் கேட்டிருக்கிறோம். மரண ஆராதனைகளில் மரித்தவர்களைக்குறித்து நல்லவிதமாக மாத்திரமே பேசுவதுமுண்டு. இவர் சொன்னால் சொன்னபடியே செய்துமுடிப்பார் என்று கூற கேட்டதுண்டா? நம்மைப்பற்றியாவது இப்படி யாராவது சொல்லத்தக்கதாக நமது வாழ்வு உள்ளதா? சந்தர்ப்பத்துக்கு ஏற்றபடி மனிதர் மாறுவதுண்டு. ஜெபத்தில் கூறியதையே மறந்துபோவதுமுண்டு. ஆனால் மாறாத வார்த்தையானவர் ஒருவர் நமக்கிருக்கிறார், அவர் நம்மை அவதானிக்கிறாரல்லவா!

இம்மாதம் முழுவதும் தேவனுடைய வார்த்தையைக்குறித்த விடயங்களைத் தியானித்தோம். இது தியானித்து முடிக்கமுடியாத ஒரு பரந்த விடயம். சர்வவல்லமையுள்ள ஜீவனுள்ள, என்றும் மாறாத வசனங்களை உதாசீனம் செய்தால், அது கர்த்தரையே உதாசீனம்செய்வதாகுமே. மரணபரியந்தமும் தேவவார்த்தையே நமது மூச்சாகட்டும். ஏலியின் குடும்பத்துக்கு விரோதமாகத் தாம் செய்யப்போவதைக்குறித்து, கர்த்தர் சாமுவேலுக்கு அறிவித்த நியாயத்தீர்ப்பினை இன்றைய வேதவாசிப்பில் நாம் காணலாம். அது அப்படியே ஏலிக்கும் அவன் பிள்ளைகளுக்கும் நடந்ததை 1சாமுவேல் 4ம் அதிகாரத்தில் காணலாம். அதேபோல மகிமையான தேவனுடைய ஆலயத்தைக் கட்டிமுடித்த சாலொமோன் ராஜா கர்த்தருடைய பலிபீடத்துக்கு முன்பாகத் தன் கைகளை வானத்திற்கு நேராக விரித்து, முழங்காற்படியிட்டு செய்த நீண்ட ஜெபத்தை 1ராஜாக்கள் 8ம் அதிகாரத்தில் வாசிக்கிறோம். ஜெபத்தை முடித்த சாலொமோன் எழுந்துநின்று இஸ்ரவேல் சபையை ஆசீர்வதித்து கூறியதாவது: “அவருடைய நல்வார்த்தைகளில் ஒன்றாகிலும் தவறிப்போகவில்லை" என்பதாகும். அத்துடன், கர்த்தர் கூறிய நல்வார்த்தை நிறைவேற, அவரது கட்டளைகளைக் கைக்கொள்ள நம் இருதயம் தேவனாகிய கர்த்தரோடு உத்தமமாய் இருக்கக்கடவது என்ற சாலொமோனே இறுதியில் வார்த்தை யைவிட்டு விலகிப்போனான். ஆகிலும், தேவன் தாவீதுக்குக் கொடுத்த வாக்கிலிருந்து மாறவில்லை. கர்த்தர் தாவீதின் சந்ததியிலே மேசியாவை அனுப்பினார்.

தேவனின் நியாயத்தீர்ப்பின் வார்த்தையாகட்டும், வாக்குறுதியாகட்டும், இரண்டுமே நிறைவேறியது. வார்த்தை, அது கர்த்தருடைய வார்த்தை, அது பொய்யுரைக்காது. சொன்னதைச் சொன்னபடியே செய்யும். “என் வாயிலிருந்து புறப்படும் வசனம்... நான் விரும்புகிறதைச் செய்து நான் அதை அனுப்பின காரியமாகும்படி வாய்க்கும்" என்றார் கர்த்தர் (ஏசா.55:11). அவரே வார்த்தையாய் இருக்கிறார். அன்று ஏலி தன் தவறை உணர்ந்து வார்த்தைக்குத் திரும்பாமல் பிடரி முறிந்து செத்துப்போனான். சாலொமோன் தெரிந்துகொண்டே வார்த்தையைவிட்டு விலகினான். இன்று நாம் என்ன செய்யப்போகிறோம். வார்த்தைக்கே சாட்சிகளாக வாழ தேவாவியானவர் தாமே நம்மை நடத்துவாராக.

💫 இன்றைய சிந்தனைக்கு: கர்த்தர் சொன்னதைச் செய்வார் என்பதை அறிந்திருந்தும், நான் எடுக்கும் தீர்மானம் என்ன? சத்திய வார்த்தையை நம்புகின்றேனா?

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 29/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [29 ஜுலை, 2021 வியாழன்]

📙 இன்றைய தியானத்துக்குரிய வேதபகுதி: லூக்கா 5:17-26

உள்ளும் புறமும் சுத்திகரிக்கும் வார்த்தை

பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டென்பதை நீங்கள் அறியவேண்டும்... லூக்கா 5:24

நாம் எதிர்கொள்ளும் போராட்டங்கள் இரண்டு வகை. ஒன்று, வெளிப்படையானது, வறுமை, நோய், புறக்கணிப்பு, தோல்வி என்று பல. நாம் முயற்சித்தால் இவற்றைச் சரிப்படுத்த பல வழிகள் உண்டு. அடுத்தது, உள்மனப்போராட்டம். இது சற்று கடினமானது. வெளியே சொல்லவோ, பிறருடன் பகிர்ந்துகொள்ளவோ முடியாதது. இந்த போராட்டம், வெட்கம் நேரிடுவதாக, எல்லாராலும் வெறுக்கப்படக்கூடியதாகக் கூட இருக்கலாம். இந்த நிலை ஏன்? நமது தவறுகள், அக்கிரமச் செயல்கள், மீறுதல்கள் நமக்குள் புதைந்திருக்கிற பாவங்கள் தான் காரணம் என்றால் அது மிகையாகாது. நமது இருதயம் இதிலிருந்து விடுதலை பெறவேண்டும். இல்லையானால் அதன் விளைவுகள் இம்மையிலும் மறுமையிலும் கடினமாகவே இருக்கும்.

குணமடைய வேண்டுமென்ற முக்கிய தேவை ஒரு திர்வாதக்காரனிடம் இருந்தது. அவனது நான்கு நண்பர்கள் கூரையைப் பிரித்து, படுக்கையுடன் கீழே இயேசுவிடம் இறக்கினார்கள். அவர்களது விசுவாசத்தைக் கண்ட இயேசு அவர்களை மெச்சினார். உடனடியாக சுகமளிப்பதற்குப் பதிலாக, “மகனே, உன் பாவங்கள் உனக்கு மன்னிக்கப்பட்டது" என்றார் இயேசு. இதைக்கேட்ட பரிசேயர் கோபமடைந்தனர். பாவத்தை மன்னிக்க தேவனாலே மாத்திரமே கூடும், இயேசு எப்படிப் பாவமன்னிப்பு கொடுக்க முடியும்? இது தேவதூஷணம் என்றனர். “உன் பாவங்கள் உனக்கு மன்னிக்கப்பட்டது என்று சொல்வதோ, எழுந்து நட என்று சொல்வதோ எது எளிது?" என இயேசு கேட்ட மறுகேள்விக்கு அவர்கள் பதிலளிக்கவில்லை. எழுந்து நட என்பது வெளிப்படையான மாற்றம். அவன் எழுந்து நடக்காவிட்டால்? ஆக, வெளிப்படையாக அது கடினம் எனலாம். ஆனால், பாவம் மன்னிக்கப்படவேண்டியது அவனது உள்ளான தேவை, அதைத் தேவனைத்தவிர யாருமே அறிந்திட முடியாது, செய்யவும் முடியாது. ஆக உள்ளான விடயமாக அதுவே மிகக் கடினமானது. இங்கே இயேசு தம்மை மனுஷகுமாரனாக பிரகடனப்படுத்தி, தாம் தேவனிடத்திலிருந்து வந்ததன் அடையாளமாக மனுஷனால் கண்டுகொள்ளமுடியாத பாவமன்னிப்பை தமது வார்த்தையினால் வழங்கி னார். அந்த வார்த்தையே அந்த மனிதனை எழுந்து நடக்கவும் வைத்தது.

வாழ்வுக்கு சரீர சுகம் அவசியம். அதிலும் அவசியம் நமது அழியாத ஆத்துமாவின் சுகம், அதற்கு நமது உள்ளான வாழ்வு சுகமடையவேண்டும். வெளியே தெரிகின்ற தவறுகளை சரிசெய்தாலும், நமது உள்ளான பாவங்கள் மன்னிக்கப்படும்வரைக்கும்நமக்குப் பூரண சுகம் கிடைப்பதெப்படி? அந்தச் சுகத்தை அந்த விடுதலையை மகிழ்ச்சியைத்தர வல்லது ஆண்டவருடைய வார்த்தை மட்டுமே. உள்ளும் புறமும் நம்மைச் சுத்திகரிக்க வல்லவர் ஆண்டவர் ஒருவர்தான். அவரது வார்த்தை நம்மையும் பூரணமாகவே சுத்திகரிக்க இடம்கொடுப்போமா?

💫 இன்றைய சிந்தனைக்கு: சரீர சுகத்தை, ஆத்துமாவிற்கான சுகத்தை தேவனுடைய வார்த்தைக்கூடாக பெற்றுக்கொள்வோமாக.

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 28/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [28 ஜுலை, 2021 புதன்]

📙 இன்றைய தியானத்துக்குரிய வேதபகுதி: மாற்கு 1:21-34

அதிகாரமுள்ள வார்த்தை

அவர் ...அதிகாரமுடையவராய் அவர்களுக்குப் போதித்தபடியினால், அவருடைய போதகத்தைக்குறித்து ஜனங்கள் ஆச்சரியப்பட்டார்கள். மாற்கு 1:22

இவ்வுலகில் ஏராளமான போதனையாளர்கள், பேச்சாளர்கள் உண்டு. ஒருவரது பேச்சின் தொனி, வார்த்தைப் பிரயோகம், போதிக்கின்ற தோரணை வேறுபட்டாலும், அவர்கள் என்ன சொல்கிறார்கள் என்பதே முக்கியம், எங்கிருந்து பேசுகிறார்கள், யாருடைய அதிகாரத்தில் போதிக்கிறார்கள் என கவனிப்பது அவசியம். இரண்டாம் உலக யுத்தத்தில் தன் அதிகார பேச்சினால் அழிவுக்குள்ளானான் ஹிட்லர். கெம்பீரமாக, கவர்ச்சியாக உதிர்த்த வார்த்தை, பேசுகின்ற தோரணையில் பலரது அவதானத்தை ஈர்த்தான். ஏராளமான போர்ப்படையினர், அரச அதிகாரிகள் அவனது பேச்சில் மயங்கி அனுசரணையாளராகி போனார்கள். அதிகார தோரணையான அவனது பேச்சு பெரிய அழிவுக்கே வழிவகுத்தது. இறுதியில் அவனும் அழிந்தான்.

யோர்தான் நதியில் ஞானஸ்நானம் பெற்று, வனாந்தரத்தில் சாத்தானை ஜெயித்து, தேவ ராஜ்யத்தின் நற்செய்தியை இயேசு எங்கும் பிரசங்கிக்கத் தொடங்கினார். ஓய்வுநாளிலும் ஜனங்களுக்குப் போதகம்பண்ணினார். “அவர் வேதபாரகரைப்போல போதியாமல் அதிகாரமுடையவராய் அவர்களுடன் போதித்தபடியால்" என்கிறார் மாற்கு. அன்று மக்களிடம் அதிகாரம் செலுத்துகிறவர்களாக பரிசேயர் இருந்தனர். அப்படியிருந்தும், ஜனங்கள் இயேசுவின் வார்த்தைகளில் வித்தியாசத்தைக் கண்டார்கள். அவர் பேசிய அதிகாரம் வித்தியாசமானது. மாத்திரமல்ல, ஜெபஆலயத்தில் அசுத்த ஆவிபிடித்த ஒரு மனுஷனிடமிருந்து பிசாசினால், இயேசுவின் அதிகாரத்துக்கு முன்பாக அமைதியாக இருக்கமுடியவில்லை. “ஐயோ, நசரேயனாகிய இயேசுவே, எங்களுக்கும் உமக்கும் என்ன?" என்றது. இயேசுவின் வார்த்தையிலுள்ள அதிகாரம் அவருக்கு எங்கிருந்து கிடைத்தது என்பது பிசாசுக்குத் தெரியும். கதரேனருடைய நாட்டிலே, பிசாசுகள் பிடித்திருந்தவன்கூட, “இயேசுவே, உன்னதமான தேவனுடைய குமாரனே" என்றான்.

இன்று நமது வாயின் வார்த்தைகளிலுள்ள அதிகாரம் எப்படிப்பட்டது? ஒருவர் பேசும் போது, போதிக்கும்போது, மனிதர் கண்டுபிடிக்காததைப் பிசாசுகள் கண்டுபிடிக்கும். யாரும் பேசலாம், நன்றாகக் கவர்ச்சியாகப் பேசலாம். ஆனால் அந்தப் பேச்சில் வெளி வருகின்ற வார்த்தைகள் எந்த அதிகாரத்தில் வெளிவருகின்றன என்பதே காரியம். “நான் உம்முடைய வார்த்தையை அவர்களுக்குக் கொடுத்தேன்" (யோவா.17:14) என்றார் இயேசு. தமது வார்த்தையைத் தந்தால், அதற்கான அதிகாரத்தையும் அவர் தருவாரல்லவா! நாம் எதைப் பேசினாலும், முதலாவது நான் யாருடையதிலிருந்து பேசுகிறேன் என்பது முக்கியம். தேவனிடமிருந்து எடுத்துப் பேசுகிறேன் என்றால் எதற்குப் பயப்படவேண்டும்? பரிசுத்த ஆவியானவருடைய அதிகாரம் நமக்குள் இருக்குமானால் சத்தியத்தைச் சத்தியமாகப் பேசலாமே! அப்போது பிசாசுகளும் நடுங்குமல்லவா! அதைவிட்டு, ஏன் வீண்வார்த்தைகள்?

💫 இன்றைய சிந்தனைக்கு: தேவனுடைய வார்த்தையிலுள்ள அதிகாரத்தை நான் தொலைத்துவிட்டேனா? இயேசு தந்த அதிகாரத்தைப் புதுப்பிப்பேனாக.

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 27/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [27 ஜுலை, 2021 செவ்வாய்]

📙 இன்றைய தியானத்துக்குரிய வேதபகுதி: யோவான் 11:25-45

மரணக்கட்டை முறிக்கும் வார்த்தை

லாசருவே வெளியே வா என்று, உரத்த சத்தமாய்க் கூப்பிட்டார். அப்பொழுது, மரித்தவன் வெளியே வந்தான். யோவான் 11:43,44

லாசரு மரித்து, அடக்கம் முடிந்து, நான்கு நாட்களாயிற்று. “ஆண்டவரே, நீர் இங்கே இருந்தீரானால் என் சகோதரன் மரிக்கமாட்டான்" என்று இரு சகோதரிகளும் அழுதார்கள். இயேசு நேரத்துக்கு வந்திருந்தால், லாசரு மரிக்காமல் குணம்பெற்றிருப்பான் என்பதை அறிந்த அவர்கள், மரித்தாலும் அவன் எழும்புவான் என்ற அறிக்கைசெய்யவில்லை. இயேசு தாம் செய்யப்போவதை அறிந்திருந்தாலும், அவர்களது துக்கத்தை அசட்டைசெய்யவில்லை, மாறாக, ஒரு முழு மனிதனாய் இயேசு ஆவியிலே கலங்கி, துயரடைந்து, கண்ணீர்விட்டார். துக்கம் நேரிட்டாலும், முறுமுறுக்காமல், தேவனது வல்லமையில் சார்ந்திருப்பது அவசியம். இயேசுவோ கல்லறையினிடத்துக்கு வந்து, கல்லை அகற்றும்படி கூறுகிறார். “நீர் தேவனிடத்தில் கேட்டால் அவர் தருவார்" என்று வாதிட்ட மார்த்தாள் தடுக்கிறாள். நாலுநாட்கள் சென்றதால் நாறும் என்பது இயேசுவுக்குத் தெரியாதா? ஆனால் இயேசு அவளின் விசுவாசத்தின் அளவை அறிந்தவராய், “நீ விசுவாசித்தால் தேவனுடைய மகிமையைக் காண்பாய் என்று நான் உனக்குச் சொல்லுகிறேன்" என்கிறார். அடுத்ததாக, இயேசு செய்த ஜெபத்தைக் கவனியுங்கள். “பிதாவே, நீர் எனக்குச் செவிகொடுத்தபடியினால் உம்மை ஸ்தோத்திரிக்கிறேன்" என்ற பின்பே இயேசு தமது வார்த்தையை உயர்த்தி, “லாசருவே, வெளியே வா" என்கிறார். மரித்தவனும் உயிரோடே வெளியே வந்தான்.
“பிதாவே, நீர் எனக்குச் செவிகொடுத்தபடியால்" என்று இயேசு ஜெபித்தபோது, இன்னமும் மரித்தவன் எழும்பவில்லை, அதற்குச் சாத்தியமே இல்லை என்பதுபோல ஒரு கூட்ட மக்கள் மத்தியில், ஏற்கனவே பிதா பதில் தந்துவிட்டார் என்ற வார்த்தைகளையே இயேசு பகிரங்கமாக கூறி ஜெபிக்கிறார். பின்னர் செயலில் காட்டினார். “மரணக்கட்டு அறுந்துவிடட்டும்" என்று சொல்லாமல், “வெளியே வா" என்று இயேசு கூப்பிட்டதில், லாசருவின் மரணக்கட்டு ஏற்கனவே அறுந்துவிட்டது என்பது புலனாகிறது.

இன்று அன்றாட நம் வாழ்வில், அவிசுவாச வார்த்தைகள் வருகிறதா! முதலாவது, நாம் தேவனுடைய வார்த்தையை அறிக்கையிடவேண்டும். தேவனை நம்பவேண்டும். சத்திய வார்த்தையைச் சொன்னவர் சொன்னபடி செய்வார் என்று தேவனை நம்பவேண்டும். இது நம்பிக்கை. அடுத்தது, தேவன்மீது உறுதிவேண்டும். இது விசுவாசம், தேவனோடு நல்லுறவில் இருக்கும்போதுதான், விசுவாசம் வெளிப்படும். பிதா எப்போதும் தமக்கு செவிகொடுக்கிறவர் என்பதை இயேசு அறிந்திருந்தும், சுற்றிநின்ற ஜனங்களினிமித்தம் அந்த விசுவாச ஜெபத்தைப் பகிரங்கமாக ஏறெடுத்தார். நமது நம்பிக்கை, விசுவாசம் எப்படிப்பட்டது? லாசருவின் சரீர மரணக்கட்டையே உடைத்தெறிந்த வார்த்தைக்கு, நமது ஆத்துமாவை மரணத்துக்கு விலக்கிமீட்க முடியாதா? அந்த விசுவாசம் நமக்கிருக்குமானால் நமது வாழ்வில் அது வெளிப்படட்டும்!

💫 இன்றைய சிந்தனைக்கு: தேவ வார்த்தையை நம்புவோம். அவரது அன்பில் உறுதி கொள்வோம். விசுவாசத்தை கிரியையில் நடப்பிப்போம்.

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 26/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [26 ஜுலை, 2021 திங்கள்]

📙 இன்றைய தியானத்துக்குரிய வேதபகுதி: யோவான் 11:1-26

வாழ்வு தரும் வார்த்தை

இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறறேன். என்னை விசுவாசிக்கிறவன் மரித்தாலும் பிழைப்பான். யோவான் 11:25,26

என் தகப்பனார் தன் கடைசிக் காலத்தில், அடிக்கடி கண்களை மூடி தான் இறந்துவிட்டது மாதிரி நடிப்பார். பின்னர் கண்களை விழித்து, “நான்தானே செத்தாலும் வாழுவேன்" என்பார். எப்படி என்று கேட்டால், “இயேசுதானே சொல்லியிருக்கிறாரே" என்பார். நிகழ் கால சம்பவங்களை மறந்து, பழையவற்றை மாத்திரம் நினைவில் கொண்டிருந்தமுதுமை நாட்களிலும், அவருக்குள் தேவ வசனம் மனப்பாடமாயிருந்தது. உண்மையாகவே அந்த உறுதியான விசுவாசம் நமக்குள் உண்டா? நாம் சரீரத்தில் மரித்தாலும் நாம் நித்தியமாய் வாழுவோம்.

லாசரு இயேசுவுக்கு அன்பானவன், அந்தக் குடும்பத்தையே இயேசு நேசித்தார். அவன் வியாதிப்பட்ட தகவலை இயேசு அறிந்திருந்தும் அவர் தாமதித்தே வந்தார், அதனால், இயேசுவே உயிர்த்தெழுதல் என்ற சத்தியம் நமக்கு வெளிப்பட்டது. இயேசு உலகில் வாழ்ந்தபோது செய்த ஒவ்வொரு அற்புதங்களும், அவரது வல்லமையைப் பிரஸ்தாபப்படுத்தின. லாசருவின் சம்பவமும்கூட, இயேசு யார் என்பதை உலகிற்கு வெளிக்காட்டியது. அவரே மனித வாழ்வினதும் சாவினதும் அதிகாரத்தைக் கொண்டிருக்கிறவர். மாத்திரமல்ல, அவரே பாவங்களை மன்னிக்கவும் அதிகாரம் கொண்டவர். ஏனெனில் அவரே படைப்பாளி. அவரே வழியும் சத்தியமும் ஜீவனுமாயிருக்கிறவர். அவர் நமது பாவங்களை மன்னிக்காவிட்டால் பிதாவை நாம் கிட்ட நெருங்கவே முடியாது. ஜீவனாக இருக்கிற அவரேயல்லாமல் நமது வாழ்வை யாராலும் காப்பாற்றமுடியாது. இயேசு, “நீ விசுவாசிக்கிறாயா" என்று மார்த்தாளிடம் கேட்டார். இந்தக் கேள்விதான் இன்று நம்மிடமும் வருகிறது. வாழ்வு தருகின்ற அவரது வார்த்தையின் வல்லமையை, அவரது தெய்வீகத்தை நாம் விசுவாசிக்கிறோமா? விசுவாசிக்கிறவனுக்கு அவர் அருளுகின்ற ஆவிக்குரிய வாழ்வை, மரணம் கைப்பற்றவோ, மழுங்கடிக்கவோ முடியாது. இவ்வுலகில் ஜீவனற்றவர்கள்போல வாழுகின்ற ஏராளமானவர்களைக்குறித்து நமது மனநிலை என்ன? அவர்களுக்கு மறுமையிலும் என்ன நம்பிக்கை இருக்கிறது? வாழ்வளிக்கும் வார்த்தையை அவர்களுக்கு அறிவிப்பது யார்?

தேவனுடைய அதிகாரமிக்க வார்த்தையை விசுவாசித்தால், வாழ்வென்ன சாவென்ன எதுவும் நம்மை அவரது அன்பைவிட்டுப் பிரிக்கமுடியாது. இப்படிச் சொல்லுகின்ற நாம் அவருடைய வல்லமைமிக்க தெய்வீக வார்த்தைக்கு ஏற்றபடி வாழவேண்டுமே! அதுவே அந்த வார்த்தையை நாம் விசுவாசிக்கிறோம் என்பதற்கான ஒரே நிரூபணம். ஆனால் நம்மில் அநேகர், இயேசு நமக்கிருந்தும், ஜீவனற்றவர்கள்போல வாழுவது ஏன்? இந்த உலகில் எது வந்தாலும், மரணமே வந்தாலும் நம்மைக் கலங்கடிக்க முடியாது. பிறர் முன்னிலையிலும் சாட்சிகளாக தலைநிமிர்ந்து நிற்போமா!

💫 இன்றைய சிந்தனைக்கு: உயிரோடிருந்து கிறிஸ்துவை விசுவாசிக்கிறவனெவனும் என்றென்றைக்கும் மரியாமலும் இருப்பான். இதுவே வாழ்வின் உண்மை.

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

அனுதினமும் தேவனுடன் – சத்தியவசனம் 25/07/2021

அனுதினமும் தேவனுடன் – சத்தியவசனம்

📖 சத்தியவசனம் – இலங்கை. 🇱🇰 [25 ஜுலை, 2021 ஞாயிறு]

📙 இன்றைய தியானத்துக்குரிய வேதபகுதி: யோவான் 8:1-11

வாழ்வளிக்கும் வார்த்தை

இயேசு அவளை நோக்கி: நானும் உன்னை ஆக்கினைக்குள்ளாகத் தீர்க்கிறதில்லை. நீ போ, இனிப் பாவஞ்செய்யாதே என்றார். யோவான் 8:11

“நீ போ, இனிப் பாவஞ்செய்யாதே." நான்கு சொற்கள், ஆனால், நறுக்கென்று இருதயத்தை ஊடுருவிக் குத்துகின்ற சொற்கள். மன்னிப்பளிக்கும் இயேசுவின் நல் வார்த்தைகளை நாம் கிரகித்துக்கொள்வது அவசியம். “நான் நல்லவள் அல்ல என்ற சிந்தனையினால் பாதிக்கப்பட்டிருந்தேன். நான் ஒரு விபசாரியும் அல்ல, திருடியோ, கொலையோ செய்ததுமில்லை. ஆனால், என் வாழ்க்கை சரியில்லை, நான் தகுதி அற்றவள் என்ற எண்ணம் என்னைக் குத்திக்குதறின. எல்லாரும் என்னை வெறுத்து ஒதுக்குவதுபோன்ற ஒருவித பிரமை. “உன் சிருஷ்டிகரைப் புறக்கணித்து வேறு காரியங்களுக்கு முதலிடம் கொடுத்தால் அதுவும் விபசாரத்திற்கு ஒப்பானது” என அறிந்திருந்தேன். ஒருநாள், “நீ போ, இனிப் பாவஞ்செய்யாதே" என்று சொன்ன இயேசுவைத் தேடி னேன். அவரது இந்த வார்த்தையை எனதாக்கினேன். அன்று நான் பெற்ற சமாதானம், விடுதலை சொல்லிடமுடியாது. விபசாரப் பெண்ணுக்கு வாழ்வளித்த அதே ஆண்டவர், அப்படிப்பட்டவர்களுக்கு விடுதலையை அறிவிக்கும் பாத்திரமாக எனக்கும் வாழ்வளித் திருக்கிறார்" என்ற சாட்சிக்காக நாமும் தேவனைத் துதிப்போமா!

விபசாரத்தில் கண்டுபிடிக்கப்படுகிறவர்கள் கல்லெறிந்து கொல்லப்படவேண்டும் என்பது நியாயப்பிரமாணம். இந்தப் பெண்ணும் பிரமாணத்தின்படி கொல்லப்படவேண்டியவள் தான். ஆனால், அவளைப் பிடித்து வந்தவர்கள் யார்? தாங்களை பரிசுத்தவான்கள் என்று பெருமைபாராட்டும் வேதபாரகரும் பரிசேயருமே, பொதுமக்களும் கூடவே இருந்தனர். இவர்களது நோக்கமே வேறு. “அவர்மேல் குற்றஞ்சுமத்துவதற்கான காரணம் உண்டாகும்பொருட்டு... இயேசுவைச் சோதிக்கும்படி" இந்த திருக்கான அவர்களது தீய சிந்தனையை இயேசு அறிந்திருந்தார்! அக்கூட்டத்திலிருந்த எத்தனைபேர் அவளுடன் பாவத்தில் ஈடுபட்டிருந்தார்களோ நாமறியோம், எனினும், அவளைப் பிடித்தபோது அவளுடனிருந்த ஆண் எங்கே? என்பதை உணர்த்திய ஆண்டவர், இப்பிரச்சனைக்குஅற்புதமாய் தீர்வளித்தார். “உங்களில் பாவமில்லாதவன் இவள்மேல் முதலாவது கல்லெறியக்கடவன்." அங்கே வந்திருந்த அத்தனைபேரும் அந்தப் பெண்ணுடன் விபசாரம் செய்தவர்களா? இருக்கமுடியாது. ஆனால், இயேசுவின் வார்த்தையால் இருதயத்தில் குத்துண்டார்கள். தமது மனச்சாட்சியினாலேயே கடிந்துகொள்ளப்பட்டு போய்விட்டார்கள். இப்போது, கர்த்தர் அவளிடம், “நீ போ, இனிப் பாவஞ்செய்யாதே" என்றார்.

தேவ வார்த்தை இருதயத்தை ஊடுருவிச்செல்ல வல்லது. ஆனால், அதற்கு யார் யார் கீழ்ப்படிகின்றார்களோ அவர்கள் நிச்சம் வாழ்வு பெறுவார்கள். பாவிகளை நேசிக்கும் இயேசு பாவத்தை விரும்புவதில்லை. பாவத்தை மன்னித்து வாழ்வளிக்க ஆயத்தமாயிருக்கிறார். இயேசுவின் வார்த்தை எந்தவொரு மனிதனுடைய வாழ்வையும் மாற்றியமைக்க வல்லது. ஒருவரை நாம் நியாயந்தீர்ப்பது இலகு, ஆனால், கர்த்தரோ வாழ்வளிக்கவே வந்தார். அவரை ஏற்றுக்கொள்ளும் எந்தவொரு பாவியையும் அவர் தள்ளிவிடவேமாட்டார்.

💫 இன்றைய சிந்தனைக்கு: இன்று என் மனதின் பாரம் என்ன? இயேசு என்னைமன்னித்து புதுவாழ்வு தருகிறார் என்பதை ருசிபார்ப்பேனா?

📘 அனுதினமும் தேவனுடன்.
(இன்றைய தியானத்தை நீங்கள் http://sathiyavasanam.lk/dailyreading/ இணையத்தளத்தில் வாசிக்கலாம். நன்றி.)

அனுதினமும் தேவனுடன் – சத்தியவசனம் 📖 சத்தியவசனம் 🇱🇰 வழங்கும் அனுதினமும் தேவனுடன் தியானங்களை வாசியுங்கள். (click) வாசியுங்கள் – தற்போதைய பதிவுகள் 19 ஜ.....

Videos (show all)

🌟 (சத்தியவசனம் - வார்த்தைகளும் உணர்வுகளும்)  👉  🌻 படைத்தவரின் கரத்தின் கிரியைகளை பார்த்து மகிழ்வதோடு ஆண்டவருடைய அன்பை ரு...

Location

Telephone

Address


120A Dharmapala Mawatha
Colombo
00700

General information

இலங்கையிலிருந்து வெளிவரும் சத்தியவசனம் தமிழ் கிறிஸ்தவ சஞ்சிகையை பெற்றுக்கொள்ள விரும்புகின்றவர்கள் உங்கள் முழு பெயர், விலாசத்துடன் எம்மோடு தொடர்புகொள்ள வேண்டிய ஈமெயில்: [email protected]
Other Religious Organizations in Colombo (show all)
Vishva Shakthi Center Vishva Shakthi Center
Sri Dharma Viharaya, Kalapaluwawa, Rajagiriya,
Colombo, 10100

Come ! experience vishva shakthi. For a healthy and successful life.

Young Catholic Students Movement - St. Benedict's College Young Catholic Students Movement - St. Benedict's College
Young Catholic Students Movement, St. Benedict's College, Mayfield Road,
Colombo, 01300

Young Catholic Students Movement conducted by the students of St. Benedict's College.

OneHope - Sri Lanka OneHope - Sri Lanka
Colombo

OneHope is an global ministry with a mission to bring “God’s Word to Every Child” – including 123 million children in 2020!

Shalom Youth Ministry Shalom Youth Ministry
80,Manning Place,Wellawatte,Colombo-6.
Colombo, CGT

To bring the Youth to get to know,each other..

Yebbusha Church Yebbusha Church
37/1,Pathtaduwana,Minuwangoda
Colombo, 11450

Situated in Minuwangoda.Started the ministry in 2001/02.

National Christian Council of Sri Lanka National Christian Council of Sri Lanka
368/6, Bauddhaloka Mawatha,
Colombo, 00700

The National Christian Council of Sri Lanka :: Celebrating 100 years of Ecumenical Pilgrimage. Visit www.nccsl.org

Unity of srilanka Unity of srilanka
Colombo
Colombo, 24

බෞද්ධයා - The Buddhist බෞද්ධයා - The Buddhist
Homagama
Colombo

බෞද්ධයාගේ ෆේස් බුක් පුනරාගමනය ආගම වෙනුවෙන් බෞද්ධ ඔබ මොහොතක් කැප වෙමු.සැම දෙනාම අප සමග එකතු වන්න.

All Ceylon Jamiyyathul Ulama All Ceylon Jamiyyathul Ulama
281, Jayantha Weerasekara Mawatha
Colombo, 01000

All Ceylon Jamiyyathul Ulama provides religious and community leadership to the Sri Lankan Muslim Community. All comments will be moderated.

Baptist Young People's Auxiliary - Sri Lanka Baptist Young People's Auxiliary - Sri Lanka
No 46, Kynsey Road Colombo 08
Colombo, 00800

An Auxiliary of the Sri Lanka Baptist Sangamaya

Champi Fernando International Ministries Champi Fernando International Ministries
Akkarapanaha
Colombo

The spirit of the Lord is upon me, Because the Lord has anointed me to preach the good news to the poor, heal the sick, cast out the evil spirits and bring hope to the broken hearted.

Buddhism - නිවන් මග. Buddhism - නිවන් මග.
Colombo

In order to propagate humanity !