Македонска Православна Црква Париз

Македонска Православна Црковна Општина - „Свети Кирил и Методиј„

.
📌 ИЗВЕСТУВАЊЕ 📌

... REÇU FISCAL ...

Почитувани верници, драги пријатели на нашата Црковна Општина !!!

Сакаме да ВЕ информираме дека конечно успеавме да ја средиме комплетната документација за да можеме да издаваме "REÇU FISCAL".

Тоа значи дека сите оние кои декларираат данок, еден дел од таа сума можат да ја пренаменат за помош на нашата Црковна Општина како ДОНАЦИЈА. За истата таа донација ќе добијат "REÇU FISCAL" и 66% од донираната сума ќе им биде прифатена при декларирањето на данокот.

Сите средства кои ќе бидат соберени, ќе се чуваат на Црковната сметка и ќе бидат наменски пренаменети за идните проекти кои ќе треба да се реализираат.

Со Божја помош, по молитвеното застапништво на Светите солунски браќа Кирил и Методиј кои се наши заштитници и секако со Ваша помош, се надеваме дека ќе успееме да создадеме една здрава и стабилна Црковна Општина.

ВЕ поздравуваме
со радосниот поздрав :

ХРИСТОС ВОСКРЕСНА !!!

УО при ЦО
"Св. КИРИЛ и МЕТОДИЈ"
ПАРИЗ

Од ПОУКИТЕ на ДЕНОТ !!!

.
⚜ ПОУКА на ДЕНОТ ⚜

И така, бидејќи му припаѓаме на Светиот Бог, да правиме сè што се однесува кон светоста, избегнувајќи ги злословијата, нечистите и порочни врски, пијанствата, страстите кон новотарии во верата, ниските похоти, скверното прељубодејство и гнасната гордост.
Бидејќи е речено: „Бог им се противи на горделивите, а на смирение им дава благодат“ (1Пет. 5,5).
И така, да се присоединиме кон оние на коишто им е дадена благодат од Бога. Да се облечеме во единомислие, да бидеме смирени, воздржани, далеку од секоја клевета и злословење, оправдувајќи се себе си со дела, а не со зборови... нашата пофалба да биде од Бога, а не од нас самите; Бог ги мрази оние кои што самите себеси се фалат. Нека сведоштвото за нашето добро поведение биде дадено од другите.

Св. Климент Римски
Кон Коринтјаните, 30

☦ ХРИСТОС ВОСРЕСНА ☦

.
⚜ ПОУКА на ДЕНОТ ⚜

Оној што ги оставил своите гревови, а се грижи да ги поправи другите, тој ѝ е туѓ на срдечната молитва и на разумната прозба од Бога.

Преподобен авва Исаиј

☦ ХРИСТОС ВОСРЕСНА ☦

.
⚜ ПОУКА на ДЕНОТ ⚜

Во никоја работа не барај земна слава, бидејќи таа гасне за оној којшто ја љуби. Таа може наеднаш, како силен ветар, да го обземе човекот, но набрзо, откако ќе го одземе од него плодот на неговите добри дела, се оддалечува, потсмевајќи му се на неговата неразумност.

Св. Генадиј Константинополски
Златна алка, 35

✝️ ХРИСТОС ВОСКРЕСНА ✝️

.
⚜ ПОУКА на ДЕНОТ ⚜

Кога ќе те прашаат како живееш, ти прекрсти се и речи:

"Слава Му на Бога за се, се што ми дал Бог тоа и го примам".

И никогаш не заборавај, ниту кога те навредуваат, ниту кога те понижуваат, ниту кога те оцрнуваат, ниту кога не те разбираат, ниту пак и во најтемните денови од твојот живот да Му благодариш на Бога за се.

Тој тоа го очекува и ќе ти испрати нови богатства и дарови.

На човекот со благородно срце никогаш ништо не му недостасува.

Старец Николај Гурјанов

✝️ ХРИСТОС ВОСКРЕСНА ✝️

.
Дали знаете ?

Моштите од св. Василиј Острошки се преоблекуваат секоја седма година во Манастирот Острог.

Кога на светителот му ги менуваат обувките на нозете, ѓоновите од обувките се излижени и истрошени како кај човек кој седум години одел со тие обувки.

Ќе погодите кој денес оди со своето стадо ?

.
Дали знаете ?

Моштите од св. Василиј Острошки се преоблекуваат секоја седма година во Манастирот Острог.

Кога на светителот му ги менуваат обувките на нозете, ѓоновите од обувките се излижени и истрошени како кај човек кој седум години одел со тие обувки.

Ќе погодите кој денес оди со своето стадо ?

.
☦ ПОУКА на ДЕНОТ ☦

На сите нам, љубезни браќа и сестри, ни претстои да умреме, и тешко нам ако, живеејќи на овој свет, не се љубиме еден со друг, ако не се примируваме со нашите противници на кои сме им лути, еден со друг ако се ожалостиме не си проштеваме – во тој случај нема да имаме на оној свет вечен покој и блаженство, и нема да ни ги прости нашиот Отец Небесен нашите гревови,

Св. Петар Цетињски
Послание кон Радуловичи
1805 год.

☦ ХРИСТОС ВОСКРЕСНА ☦

.
☦ ПОУКА на ДЕНОТ ☦

Простувањето на навредите е знак на вистинска љубов, слободна од лицемерие. Бидејќи така и Господ го возљуби овој свет.

Преп. Марко Подвижник

☦ ХРИСТОС ВОСКРЕСНА ☦

.
⚜ ПОУКА на ДЕНОТ ⚜

Она што го велиме или го правиме без молитва, тоа потоа се покажува или погрешно или штетно и нè разобличува преку делата на непознат за нас начин.

Преп. Марко Подвижник
Слова. 2. 108

➕ ХРИСТОС ВОСКРЕСНА ➕

☦ Ете, пролетта на благодетта болсна, Христовото Воскресение им засветли на сите, а со него сега свети и сепразничниот и светлоносен ден на маченикот Ѓеоргија. Дојдете сите, носејќи свеќи, божествено и светло да празнуваме !!!

Среќна слава и вечни имињата на славениците и почитувачите на споменот на Светиот Великомаченик Ѓеоргиј.

Со почит и љубов во
Христа Воскреснатиот
о. Даниел Стојчевски

➕ ХРИСТОС ВОСКРЕСНА ➕

.
⚜⚜⚜ ☦ ⚜⚜⚜

Браќа и сестри, почитувани верници !

Сите ние го чувствуваме, помалку или повеќе пристисокот на самата оваа ситуација во која се наоѓаме.
Но ете, лека полека по Милоста Божја работите се нормализираат.
Во овие моменти, најпотребно е да сe пoтпрeмe на силата Бoжја за вo нашата немоќ да бидeмe силни. Оти, пo чoвeкoт сме нeмoќни, нo пo Бoга сме и ќе останеме силни.
Прилeпeтe сe кoн Бoга и сeта сила Бoжја ќe бидe сo вас. Испoвeдајтe ја прeд Бoг свoјата нeмoќ и Бoг ќe ви ја испрати Свoјата сeмoќна благoдат. Oва ви гo пoтврдува апoстoлoт сo свoјoт примeр и сo свoe искуствo:

“Кoга сум слаб, вeли, тoгаш сум силeн” !!!

И ќе даде Бог, пак, во скоро време да се собереме на заедничка и благодарствена молитва во 🙏Домот Господов🙏

Вoскрeснат Гoспoди, смилувај сe на нашата нeмoќ и испoлни нè сo Свoјата сeсилна благoдат.
На Тeбe слава и вeчна пoфалба. Амин !!!

со почит и љубов во
Христа Воскреснатиот
О. Даниел Стојчевски

➕ ХРИСТОС ВОСКРЕСНА ➕

.
⚜ ПОУКА на ДЕНОТ ⚜

Оној кој предвреме го започнува делото што е над неговите сили, тој ништо не придобива, а само си ја удвојува штетата.

Преп. Исаак Сирин
Слова, 11

➕ ХРИСТОС ВОСКРЕСНА ➕

.
✝️Томина недела✝️
прва недела по Пасха

Во оној ден кога Христос воскресна и им се јави на Своите ученици, меѓу нив не беше Тома. Тој откако дојде при нив подоцна, чу дека го виделе Христа, но не поверува. Брзиот на добро дело Бог, Кој се грижи за секој човек, имајќи при тоа и поголема промисла, после Воскресението, за да ги увери и идните поколенија, го остави осмиот ден, за да се изостри љубовта на Тома и за да му даде уверение во Воскресението. Он повторно доаѓа при своите ученици, кога вратата е заклучена, како и претходно, но овој пат и Тома е со нив. Откако им го дава Својот мир, му се обраќа на Тома и му вели: „Дај го прстот свој тука и види ги рацете мои, принеси ја раката твоја и стави ја во моите ребра, и не биди неверен, туку верен. Затоа што не само со видување сакаше да се увериш – за да не се работи за привид, туку спомна и допирање. Затоа стави ја својата рака во моите ребра.“ Се покажува дека раната на ребрата беше толку широка, што внатре можеше и рака да се стави. Тома испита и преку допирот прими вера, бидејќи му беше допуштено да го гледа и да го твори сето ова на нетленото и конечно обожено тело Христово, и тој извика: „Господ мој и Бог мој“. Едното е заради плотта, а второто заради Божеството. И Христос му рече: „Поверува затоа што ме виде; блажени се оние кое не виделе, а поверувале“.

Од рубриката ПОЛЕЗНО, ПОУЧНО и ПОТРЕБНО !!!

Текст кој остава без зборови !!!

Велик си Ти Господи, Боже наш !!!

МЛАДИОТ ЧОВЕК и КАПЕТАНОТ

Еден млад човек кој работел во војската постојано бил понижуван од капетанот, затоа што верувал во Бога. Еден ден капетанот сакаше да го понижи пред сите војници.

Го повикал младиот човек и пред сите му рекол, младичу дојди ваму, земи го клучот и оди и паркирај го џипот напред. Младичот одговорил: - Извинете, ама Јас....!
Не знам да возам! Капетанот му рече: - Па, тогаш побарај помош од твојот Бог! Тој, нека ти помогне! - Покажи ни дека твојот Бог постои!

Младичот го зел клучот, отишол во возилото и почнал да се моли на Бога !!!
Го паркирал џипот на местото, толку совршено, исто како што сакаше Капетанот.

Младиот човек излезе од Џипот и се вчудоневиди, ги виде сите како плачат, дури и капетанот. Ништо не му беше јасно, тој очекуваше дека ќе му се потсмеваат, но се случи обратното. Сите заедно рекоа: - Сакаме да му служиме на твојот Бог! Најмладиот војник се зачуди и праша - Што се случува? Плачејќи капетанот ја отворил хаубата на џипот, покажувајќи му го ова на младиот човек: автомобилот немаше мотор!

Тогаш момчето доби уште поголема сила и гласно рече :- Гледаш? Ова е мојот Бог на кој му служам, Бог на Невозможното, Бог кој му дава живот на она што не постои. Можеби мислите дека постојат невозможни работи, но за Бога сè е можно. Од тој момент никој повеќе не го задеваше младиот војник.

Браќа и сестри, Вие што го читате ова, сватете дека Господ прави чуда во вашиот живот, денес во името на Воскреснатиот Исус Христос, се молам за сите вас, да не ја губите надежта, Бог е со нас и во овие тешки моменти, и Тој нема да дозволи ништо да ни се случи. Да веруваме и да не очајуваме, затоа што Он е Бог на невозможното, Бог на нашата надеж, сега и за навек.
Амин !!!

Отец Ѓорѓи+

Преземено од ФБ профилот на
#Милостивиотсамарјанин

.
⚜ БАЛАКЛИЈА ⚜
Животоприемен извор
петокот од Светлата Седмица

На овој ден се празнува обновувањето на храмот на Пресвета Богородица во Цариград, наречен Живоносен Извор, поради чудотворниот извор со вода што се наоѓа во него. Си спомнуваме и за многуте чуда што се случиле во тој храм на Божјата Мајка. Првиот храм врз изворот го изградил византискиот император Лав Велики и го нарекол изворот „Животодавен Извор“, зашто таму била објавена чудотворната благодат на Пресветата Подоцна, во негова близина велелепен храм изградил и царот Јустинијан Велики, затоа што по милоста на Богородица нашол исцеление за својата болест во чудотворните води на изворот. Со времето храмот пострадал во многу земјостреси, па затоа царевите Василиј Македонецот и неговиот син Лав Мудри го обновиле. Во 15 век царскиот град паднал во рацете на муслиманите. Прочуената црква била уништена, а градежниот материјал бил употребен за изградба на џамија на султанот Бајазит. Местото каде што порано стоела црквата затрупано, а околината била претворена во муслимански гробишта. Турската стража им забранувала на христијаните не само да се собираат на тоа место, туку дури и да пријдат таму. Со текот на времето забраната станала не толку строга и на христијаните им било дозволено да направат малечка црква на тоа место, која неколку пати доживувала трагична судбина. За времето на владеењето на султанот Махмуд, во 1835 г., е изградена и осветена црквата којa и сега e таму. По молитвите на Пресветата Богородица и преку нејзиното застапништво, од водите на изворот и денес се случуваат многубројни чудеса.

.
⚜ ПОУКА на ДЕНОТ ⚜

Барај го она што е најпросто во сè - и во храната и во облеката и немој да се срамиш од сиромаштијата; затоа што поголемиот дел од светот е сиромашен. Не вели: јас сум син на богат човек, мене ми е срам да бидам сиромав. На светот нема побогат од Христа, твојот Отец Небесен, Којшто те родил во купелот, но и Он бил сиромав и немал каде глава да потслони.

Св. Генадиј Константинополски
Златна алка, 24-25

➕ ХРИСТОС ВОСКРЕСНА ➕

.
⚜ВЕЛИКА САБОТА⚜

☦ ПАСХАЛНА ЛИТУРГИЈА ☦

вклучување во живо
00.05 часот

Проследете ја Воскресната служба од вашите домови, од вашите домашни Цркви и да не дозволиме оваа ситуација да го наруши радосниот дух на најголемиот и најрадосниот христојански празник, денот на Воскресението на нашиот Спасител. Та сите заедно духовно сплотени и со искрена молитва, откако ќе го објавиме Христовото Воскресение, да се поздравиме со радосниот поздрав:

✝️ ХРИСТОС ВОСКРЕСНА ✝️

Нека Милостивиот и Воскреснат наш Бог, во овие моменти на огромни искушенија ВЕ чува, нека ВИ дарува и трпение, та откако ќе заврши сето ова , заеднички ќе Му благодариме на Триипостасното Божество !!!

Бог да ВЕ благослови сите !!!

Со почит и љубов во
Воскреснатиот Бог
О. Даниел Стојчевски

✝️ ХРИСТОС ВОСКРЕСНА ✝️
✝️ НАВИСТИНА ВОСКРЕСНА ✝️

.
》ИЗВЕСТУВАЊЕ《

✝️ ВЕЛИКИ ПЕТОК ✝️

чинот на
⚜ПОГРЕБЕНИЕ со ОПЛАКУВАЊЕ⚜
⚜СТАТИИ НА ВЕЛИКИ ПЕТОК⚜
поклонување пред
⚜ГРОБОТ ХРИСТОВ⚜

вклучување во живо во
18.00 часот

... да не дозволиме ситуацијава да не оддалечи од молитвеното обраќање кон Страдалниот Спасител ...

со почит и љубов
О. Даниел Стојчевски

.
》ИЗВЕСТУВАЊЕ《

✝️ ВЕЛИКИ ЧЕТВРТОК ✝️

ЧИТАЊЕ на 12 -те
⚜СТРАДАЛНИ ЕВАНГЕЛИЈА⚜
изнесување на
⚜ СВЕТОТО РАСПЕТИЕ ⚜

вклучување во живо во
18.00 часот

... да не дозволиме ситуацијава да не оддалечи од молитвеното обраќање кон Страдалниот Спасител ...

со почит и љубов
О. Даниел Стојчевски

.
✝️ ✝️ ✝️

Ти сакаш ситe луѓe да сe спасат, o Гoспoди! Спаси нè и нас, Ти сe мoлимe, бидeјќи нeма спасeниe ниту Спаситeл вoн oд Тeбe. Вo Тeбe eдинствeнo сe надeвамe и на Тeбe Eдинствeниoт Ти сe пoклoнувамe, на Тeбe и Oтeцoт и Свeтиoт Дух, сeга и вeчнo. Амин.

.
МПЦО "Св. КИРИЛ и МЕТОДИЈ"
ПАРИЗ

》ИЗВЕСТУВАЊЕ《

Браќа, сестри, возљубени верници !!!

Согласно актуелната состојба и наредбите добиени од француската власт, по одлуката на САС на МПЦ - ОА, со благослов на Митрополитот Европски г. Пимен и со одлука на УО на нашата ЦО, сите претстојни БОГОСЛУЖБИ ќе се одржат без присуство на верници.

Како ваш парохиски свештеник, сакам да Ве охрабрам во Бога и искрено да ВЕ замолам да ги испочитуваме овие препораки, бидејќи и една најмала грешка може да предизвика огромна штета на нашата Црква и на сите нас како верници, како народ верен на Светата Македонската Православна Црква.
Во овие тешки и безумни моменти, верувајте дека не е загрозена нашата вера и нашето вероисповедание, загрозени се самите верници, не е Христос во опаснот, туку самите ние и нашите ближни. Затоа претстојното Христово Воскресение да го пречекаме во своите домови, во домашните наши Цркви. Та како што не учи нашата вера, украсена со сите традиционални елементи - да ја објавиме радосната вест дека ХРИСТОС ВОСКРЕСНА !

Иако телесно ќе бидете отсутни од црковните случувања, духовно бидете сплотени и не се оддалечувајте од Бога. Молете се постојано на Севишниот, а јас како ваш молитвеник пред Престолот Божји, ќе продолжам и понатаму, како и досега да се молам за сите вас и ќе се обидам службите да бидат пренесувани во живо, преку социјалните мрежи.

Нашиот Бог е најголем и Неговата промисла е премудра, па знаејќи дека целава ситуација е по Неговата света Воља, а се што ни допушта Бог е за наше спасение, можам слободно да речам : " Нека биде Господи по милоста Твоја "

Од мое лично име и од име на УО при нашата Црковна Општина, Ви ги честитаме претстојните Велигденски празници, па кога ќе помине сето ова, пак сите заедно ќе се собереме во Домот Господов да упатиме молитва благодарствена кон Небесниот наш родител.

За било каква консултација, прашање, совет, помош било каква, слободно можете да ме контактирате, овде во порака или на мојот тел. 0652774907 !

Со почит и љубов во Христа Воскреснатиот, ваш брат и молитвеник пред Престолот Божји - отец Даниел Стојчевски .

➕ ХРИСТОС ВОСКРЕСНА ➕
➕ НАВИСТИНА ВОСКРЕСНА ➕

.
ОСАНА на СИНОТ ДАВИДОВ !!!
БЛАГОСЛОВЕН е ОНОЈ, КОЈ ИДЕ во ИМЕТО ГОСПОДОВО !!!

Во крајно смирение влезе Христос во Ерусалим седнат на осле, знаејќи притоа што ќе се случи со Него. Знаејќи дека оние кои денес му пеат песни благодарствени, за скоро време со омраза ќе бараат Негово распнување. Но, ете Спасителот наш, ради нас грешните и недостојни, ради нашето спасение, сето тоа во крајно смирение го прифаќа.

Денес, се наоѓаме во една ситуација да не знаеме веќе што да мислиме, но барем можеме и мораме на Бога да се молиме, оти само Он ја знае утрешнината. Изминатиов период сме можеби телесно отсутни од Домот Божји, но духовно треба да бидеме во Негова постојана близина. Ако претходно се жалевме дека немаме слободно време, ете изминативе денови го имаме колку ни душа сака. Време за одмор, време за најблиските, за нас самите.
А дали имавме време на Бога да Му заблагодариме за сето она што досега го имаме постигнато, да Му се помолиме, да се соочиме со Него, па да си признаеме некои работи. Па да оддвоиме малку време за сопствените души, да видиме до кај сме, па зошто се бунтуваме постојано и сме редовно незадоволни.
За да се соочиме со Великиот наш Бог и Вечен Судија не ни е потребен храмот, ама ако си ја спознаеме сопствената ситуација и видиме дека сме скршнале од патот востински, за да се спасиме мораме да се воцрковиме, па тогаш Црквата ќе ни биде неопходна, оти надвор од Црквата, спасение нема !!!

Велик си Ти Господи и чудни се Твоите патишта, а Твојата промисла е премудра, па така и денешниве случувања се со одредена причина, дали е глобална, или пак индивидуална, не е битно, но секој ќе сфати и ќе разбере согласно сопствените можности. Поука од љубов ни се дава, за љубов да даваме. А Бог е Милостив и нема да го напушти Својот народ.

Да се украсиме и ние, Неговиот избран народ со смирение, оти не знаеме што носи утрешниот ден. Па така укрепени со Христовото смирение, препашани со молитва да влеземе во Страсната седмица, па нека биде вољата Твоја Господи, оти само Ти уредуваш се премудро.

Нека ни е честит и вековит денешниот празник - ЦВЕТНИЦИ, среќна слава и вечни имендените на славениците !!!

Со љубов и почит
О. Даниел Стојчевски

Vous voulez que votre lieu de culte soit Lieu De Culte la plus cotée à Pantin?

Cliquez ici pour réclamer votre Listage Commercial.

Vidéos (voir toutes)

ХРАМОВА СЛАВА 2018 г.

Emplacement

Téléphone

Adresse


58 Bis Rue Jules Auffret
Pantin
93500
Autres Organisations religieuses à Pantin (voir toutes)
Eglise La lumière des Nations Eglise La lumière des Nations
45 RUE DELIZY
Pantin, 93500

Assemblée Chrétienne ouverte à tous les peuples du monde pour la gloire de Dieu, au 45 RUE DELIZY 93500 PANTIN à paris( FRANCE) une fois passée les barriéres prendre l'ascenseur au 1er étage QDVB

Centre Chrétien Hosanna Centre Chrétien Hosanna
24 Rue Du Pré-Saint-Gervais
Pantin, 93500

Le Centre Chrétien Hosanna est une église dynamique en pleine croissance. Culte dimanche 13h au 24 Rue du Pré-Saint-Gervais 93500 Pantin, métro Hoche.

La Parole En Action - La PAC mission évangélique La Parole En Action - La PAC mission évangélique
8 Chemin Des Vignes
Pantin, 93500

La Parole En Action œuvre pour la promotion de l'évangile de JÉSUS qui sauve délivre guérit bénit avec la démonstration de la puissance du ST ESPRIT

Mission Internationale pour Christ Mission Internationale pour Christ
42 Rue Delizy
Pantin, 92390

**Mission Internationale pour CHRIST - MIC** Nous sommes une FAMILLE CHRÉTIENNE en île de France avec pour mission d'annoncer la parole de CHRIST au delà des frontières ou des origines. Que le Seigneur vous bénisse !

Christ Impact Ministries Christ Impact Ministries
45 Rue Délizy
Pantin, 93500

Page officielle de l’église Christ impact Ministries L'Etoile brillante du matin. 45 rue Délizy 93500 Pantin

Eglise Centre Parole de Vie Eglise Centre Parole de Vie
55 Rue Cartier Bresson
Pantin, 93500

Nos activités

Ministère Évangélique Vie Abondante Ministère Évangélique Vie Abondante
32 Rue Délizy 93500 Pantin
Pantin, 93500

Jesus dit : "...je suis venu afin que les brebis aient la vie, et qu'elles soient dans l'abondance." Jean 10.10b

CPVMI (Centre Parole de Vie Mission Internationale) CPVMI (Centre Parole de Vie Mission Internationale)
55 Rue Cartier Bresson
Pantin, 93500

Institut Biblique de France Institut Biblique de France
32 Rue Delizy
Pantin, 93500

/