Queensland Chin Christian Church

Queensland Chin Christian Church

Comments

Praise our Lord Jesus Christ , Im Rev /Prophet Edward . I minister with UBC Ministries , we are a prophetic and Healing Ministry . we believe in The Salvation By the Blood Of Jesus Christ , Power of Healing and Miracles .. Im married through Holy wedding to one wife Grace blessed with two Doughters and ason we believe in The Baptism By Immersion , Holy Bible , Power of The Holy Spirit . We would like your Ministry to come and minister in Kenya, Uganda and Tanzania in Crusades , Revival meetings , Training Of Pastors and Leaders , Deliverance and Healing meetings , Doing Baptism and Ordination of Ministers and Pastors . we would like you come with team some to Minister to The Youths , Women and Pastors and Mentoring Leaders . Im married Under Holy wedding to Grace with 3 Children. Pray for me , My family , our Church and Pray for greater Revival and Gods annointing in Church . kindly iwill be travelling To Tanzania this month . Plaese Im requesting if you can come to Kenya im july ,or any Month you can choose so that we can Host you You can get your Air ticket and we pay your accomodation , food and local travel in the three countries.thanks for your prayers . if you need any USA and UK reference or contact ican send you there telephone and email Pray For me my wife and my children and UBC Ministries and Greater finance opening and revival Amen God Bless You . Edward. Mobile +254725327275 Whatsup +254725327275 Email [email protected],.I have a friend living in Washington state who knows me she akenyan working there
Brisbane Chin Churches Combine Service 2018

This is official page of Queensland Chin Christian Church. Which located in South Brisbane.

Mission: As one of Christ Churches, our missional vision is to present the Gospel of Jesus Christ to every person in the world and to make disciples of all the nations

Queensland Chin Christian Church

Video zoh bu bia ngai cu carelnak in kan i fawih deuh rua caah....

Abraham Nun in Thazang Laknak ( Gen.12:1-5)

Abraham Nun in Thazang Laknak ( Gen.12:1-5)

QCCC: Mother’s Day Bia Cah

Rev.Dr. Mang Bik Cung (Joshua ral teinak) Sermon

Rev.Dr.MANG BIK CUNG (Joshua Ral Teinak) Sermon

Joshua 10:8-16

Joshua Ral Teinak Nun

Devotion: Nulepa le Fale Kar Rian Ngan

Fale rian cu nulepa upat le an nawl ngaih hi asi.
Nulepa rian cu fale cawnpiak le lam hruai hi asi.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

1. Tuanbia Zohnak

Nupi le pawchung ah naute aa sem cang ti kan theih tikah lawmhnak in kan khat. Naute hmuh lai kan i hngahhlang ngaingai.

Naute a hung chuak i lawmhnak a ngan chin chin. Zing le zaan naute muihmuh kan ciim ti lo. Kan i lawmhnak mithmai a ceu zungzal.

2. Kan Rian

Fale cawmken le zohkhenh, cawnpiak le lam hmuhsak cu nulepa kan rian ngan bik a si.

Pathian biatak le Khrih Jesuh nun ziaza he an tthan khawh dingin cawnpiak le tthithruai an hau.

Nulepa nih Pathian biatak kan theih lo ahcun cawnpiak a har. Khrih Jesuh ziaza kan pemh lo ahcun fale lam hmuhsak a har.

Thlacamnak le Bible relnak nun he lam hmuhsak le cawnpiak an hau.A thianghlim le a dawhmi nun ziaza hmuhsak le cawnpiak an hau.

3. Kan Tuah Awk

Caan pek in fale cawnpiak le lam hruai a hau. Fale caah caan tam deuh kan peknak nih Nulepa le fale karlak pehtlaihnak a tthat ter. Upat- ttihnak le lungthin i hmuhnak a chuahpi.

- Caa an zohnak, rawl an ei lio, lente celhnak etc ah nulepa nih caan pek in umpi le celhpi ve an hau.

- Fale he Bible rel tti le Bible tuanbia chim/zohttinak caan kan pek a hau. Bible cang cinken ding kan pek hna tikah nulepa nih cinken pi le relpi an hau.

- Pathian nung kan zumhnak le Khrihfa kan sinak nun ziaza hmuhsak ding. Fale he Hmunkhat rawl ei le hmunkhat i pumh, pumhnak ah hmunkhat kal tti etc hi a biapi ngai.

4. Kan Hrial Awk

Nulepa nih fale cungah kan hrial ding thil tampi a um. Biapi deuh mi thil hna cu;

- fale hmai ah bia chiakha chim lo
- Mi kong chiatnak chim/ceih lo
- A thiang lo thil kong chim/ceih lo
- Zukhmawm Zu, Rit Sii, kuak etc phun tongh lo
- Mi he or nu le va i siik-vuak lo
- Nu/pa sualnak chim lo/ tuah lo

5. Kan Dir Hmun

Kan dirhmun boruak zoh thiam kan herh- kan chan aa thleng, thil sining le nun ning aa thleng. Kan khuaruahnak le hmuhnak vialte a thleng dih.

Hlan chan bantuk in inn chungkhar kongah duh paoh biachim awk a ttha ti lo. Uknak zulhphung le upadi theih ve kan hau.

Cucaah kan dirhmun he a tlak in Nulepa nih chungkhar cawnpiak le lam hruai a herh. Ralring te le fimkhur tein khuasak kan herh.

Eg.
1. Na tuah khawh lo thil fale kamh lo a ttha.
Tck: “Vanlawng kan cawkpiak lai or na duhmi paoh kan tuahpiak lai” tibantuk biachim le cawnpiak hi hrial a hau.

2. Lihchim chan a si ti lo. Thil dik le thil hman hlangfang in chim caan a si. Kan fale lung a thiang/ an palhnak an thup lo- an sual an phuan ngam. Nulepa nih mah dir hmun hi theih ngai kan herh.

3. Fale cungah ngaihthiamnak bia kan chim khawh a herh. Cucu fale le nulepa kar ah khat le khat i zumhnak nun a chuah pitu hlei bantuk a si.

4. Fale he meeting tuah tti le ruahnak i chimh kan herh. Kanmah duh paoh in chungkhar hruai caan a si ti lo.

5. Kan nunphung le Ca-holh kong biatak in kan dirpi le cawnpiak awk a si. Kan Sinak le thawhkeknak kong chimh an hau.

Note: Mah vialte hi Nulepa kan rian asi. Biapi bik cu nulepa nih Pathian dawtnak kan pemh i Khrihfa ziaza ttha he fale kan tthan pi hna ahcun 80% cu kan tlamtlinh hrimhrim lai tiah zumhnak ka ngei ko.

God bless you all.

Devotion: Aa Lim Cang

Jesuh nih “Aa lim cang” a timi taktak cu Pathian nih vawlei i a thlah chan “mi vialte ca i khamhnak” pek hi a si.

JOHAN 19:30

Jesuh nih mitsur zu thor cu a vun dawp i, "Aa lim cang," tiah a ti. Cun a lu a khun i a thi.

1. Jesuh Nih Satan A Teinak Asi

Raldohnak ahcun a thi mi cu a sungmi an si zungzal. Nain, Jesuh cu a thihnak in “Vawlei a tei, Satan a tei, Thlan a tei” - teinak a hmuhnak a si. Amen!

1 JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

2. Thihnak Chungin A kan Khamh

Mi khamhtu cu tthawnnak he a khat i minih tlaih khawh lomi an si tawn. Nain, Jesuh cu an tlaih i an thahnak nih mi khamhtu Bawi taktak ah aa cang.

1 TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

3. A Tlaumi Kha A Kan Khamh

A Nungmi nih a tlaumi cu chanhchuah khawh a rak si. Nain, Jesuh nih Vailam cung thihnak in a tlaumi cu a kan kawl i a kan khamh.

LUKA 19:10

Zeicahtiah Mi Fapa cu a tlaumi kawl awk le khamh awkah a ra," tiah a ti.

4. Misual (A sualmi) A Kan Khamh

Misual le a sualmi khamhtu cu tthawnnak le thil ti khawhnak a ngeimi an si tawn. Nain, Jesuh cu “Vanlam cung thihnak in” misual vialte a kan khamh.

1 JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, "Zohhmanh u, Pathian Tuufa, vawlei sualnak a kalpitu khi!

5. Kan Rian Vialte A Kan Ttuan Piak

Misual le sifak nih mingan le mirum cu rianttuan piak a si tawn. Nain, Jesuh cu kanmah misual le sifak hna rianttuan piak awk ah a ra. A nunnak pek in kan caah rian vialte a kan ttuan piak dih.

MARKA 10:45

Zeicahtiah Mi Fapa hmanh hi, rian ṭuanpiakmi si awkah ka rat ṭung lo, midang rian ṭuanpiaktu si awk le mi tampi tlanhnak ding ca i ka nunnak pek awkah pei ka rat cu," tiah a ti hna.

NB: Cucaah thihnak in khamhnak cu “Vailam cung thihnak in” Jesuh nih vawlei mi vialte te a kan pek.

Cucaah minung kan caah zeizong vialte hi “Vailam cungah” aa lim dih cang- a tling dih cikcek cang. A baumi le a chammi zeihmanh a um ti lo.

Kan i sem hlan in nihin tiang minung nih kan herhmi bikmi le Pathian nih minung caah aa tinhmi taktak cu “Vailam” ah a tling dih.

A tlingmi le a thiangmi si kan duh ahcun “Vailam” kan phanh ve a hau. Cu hmun phanhnak ding caah “Chawva a dih lo- tuahsernak a herh lo- Zumhnak in asi.”

Jesuh nih Vailam cungah “Aa lim cang” a timi kha zumhnak in kan cohlan tikah Pathian thinlung ah “Mi thiang le mi tling” kan si. Cucu zungzal nunnak hmuhnak taktak cu a si.

Bawipa nih sunparnak co ko seh.
God bless you all.

Devotion: Jesuh Dawtu Nu hna Dirhmun

Van i hnek cio ulaw a dongh tiang rel izuam hram u. I hnek nun ngeih hi zumtu ttha rian pakhat a si.

LUKA 24:1-3

Zarhpi ni zingkate ah nu hna cu zihmui an timhmi kha i put in thlan ah khan an va kal.
Thlankhar lung a rak i thawn kha an hmuh i
cucaah an vung lut colh, sihmanhsehlaw Jesuh ruak kha an hmu lo.

1. Nu Hna Nih Nun Thap In Jesuh An Dawt

Jesuh cu an thah i an vui. Cu caan cu Jerusalem le pawngkam khua hna cu ritthih daih in an dai. COVID-19 lockdown ruangah khuapi le khuate king ririai tein an um bantuk hi a si. Cu lio ah zultu pawl cu Jerusalem ah innkhar khar khumh in ngaihchia ngai khin dai tein an um.

Nain, Jesuh dawtu Nu hna cu “Zihmui manfak an cawk i Zarhpi zingka te ah Thlan ah an kal.” Zingka khua ceu hlan a si tikah Nu ca ahcun lengchuah phung a si lo. Cun, Nu ca ahcun ttihnung le thinphang a si. Cu vialte cu Jesuh an dawt ruangah an pah ngam ko. Amen!

Rome ralkap nih Jesuh ruangah tlaih lai an phang tuk ve nain Nun thap in Thlan ah an kal. Rome ralkap nih thlan an cawngh rih caah an caah thil har khun a si. Nain, an ttihnak le thlalaunak nakin Jesuh an dawtnak cu a ngan deuh. Amen!

Thlankhar lung hi a ngan tuk caah kan thawn kho lai lo ti zong an hngalh. Sinain, Jesuh an dawtnak a ngan caah ruahchannak he Thlan ahcun an kal.

NB: Jesuh kan dawtnak hi zeidang vialte nakin a ngan deuh awk a si. Jesuh caah Nun peknak ngei usih. Kan ttihnak le phannak nakin Jesuh kan dawtnak a ngam deuh awk a si. Amen!

2. Nu hna cu Jesuh caah Tehte ttha an si

Thlan ahcun Jesuh an hmu ti lo. Thlakhar lung cu an rak i thawn diam cang. Vancung mi nih Jesuh a thawhtthannak cu an rak chimh hna. An mit hrimhrim in Jesuh takpum in a thawhtthan kha an va hmuh.

Cucaah, Jerusalem ahcun an kir zau i zultu pawl kha an va chimh hna. Jesuh thawhtthannak tehte ttha (Thawngttha bik) phurtu ah an cang. Amen!

Lamkaltu 1:8 ah “Jesuh nih vawlei khua zakip ah a tehte ttha zumtu si ding a kan fial.”

Thihnak in a thawhtthan hnu ah Jesuh nih a zultu pawl cu “Vawlei khuaza ah kal in a dawtnak le khamhnak tehte ttha si ding a fial hna” (Mt. 28:19-20).

NB: Jesuh thawhtthannak kan zumh taktak ahcun a tehte ttha kan si awk a si. Kan rian ngan bik cu Jesuh dawtnak le khamhnak thawngttha chim hi a si. Nu hna bantuk in Jesuh thawhtthannak phurtu si ve hna usih.

3. Jesuh Cu Nu Hna Sinah A Langh

Jesuh nihcun Nu hna cu a van ton hna i “ Nan sinah daihnak um ko seh” a ti hna. Cun, “ Nan thinphang hlah u” a ti hna ( Matt. 28:9-10)

Ttihnak le thinphannak lakah Jesuh an kawlmi le hmuh an duh bikmi van ton cu an khuaruah a har lai nain zeitluk ngan lawmhnak dah an ngeih lai.

Cun, Jesuh an bawipa nih “ Daihnak le Hnangamnak” van pek ko cu zeitluk khin dah an i lawmh lai. Kaa in chim khawhmi lawmhnak a si lai lo.

Nu hna nih Jesuh an dawtnak le an zumhnak lungthin kha Bawipa Jesuh nih a hmuh cikcek hna. Cucaah, thluachuah ngan bik “ Daihnak le Hnangamnak” a pek hna. Amen!

NB: Kan Bawipa Jesuh hi lungthin tak tein kan dawt i kan zumh ahcun minung kan caah a ttha bikmi “Daihnak le Hnangamnak” a kan pek lai. Jesuh hrimhrim nih nifatin a kan ton lai i a sunparnak a kan hrawmh zungzal lai. Amen!

Bawipa nih sunparnak co ko seh.

Siaherhnak he

Mang Bik Cung

Devotion: Babylon Siangpahrang nih Pathian a hmuh (6 April 2020)

Judah tlangval Daniel le a hawi le cu Nebukhanezer siangpahrang pa nih sal ah a tlaih hna. Kum 15-17 hrawng mino te an si nain Pathian nung a hngal cangmi an si.

Babylon ram ahcun nungphung aa dang, din le ei aa dang, cawnmi le theihmi aa dang caah an caah zeizong vialte a thar an si caah har ngai in khua an sa.

Denial le a hawi le 3 nihcun Pathian nung hmai ah kan zumhnak le tuahsernak cu kan dirpi zungzal lai an ti (Dan 1:8).

Siangpahrang pekmi Zuu thaw le rawl thaw vialte an ei duh lo nain Babylon tlangval pawl nak in an i dawh deuh i an tthawng deuh caah Siangpahrang nih rian bawmtu ah a thim hna.

Sui in sermi Milem hmai ah Siangpahrang nih nan kun lai i nan biak dih lai tiah nawl a chuah nain Judah tlangval 3 cu an kun duh hlei lo. Moses nawlbia “ Keimah hlei in Pathian dang nan bia lai lo.... timi kha fek tein an i tlaih (Exo. 20:1-12) .

An report hna i meiphun chungah an paih hna. A paihtu hna cu meizik nih a kangh hna caah an thi. Sinain Judah tlangval 3 cu meirim hmanh an nam lo. Pathian nih meiphu chungin a khamh hna. Amen!

Cu vialte cu Pathian an zumhnak le an i bochannak nun ruangah a si. Pathian nih a khamh hna i a ven zungzal hna. An nunnak thap in Pathian cu an zumh i an i bochan caah Pathian nih a deuh bal hna lo. Amen.

Cu thil vialte cu Nebukhanezer siangpahrang nih a hmuh caah “Judah tlangval 3 hna Pathian bantuk pathian dang a um lo. An Biak Pathian cu zumh tlak a si tiin thangtthatnak le upatnak a pek. Pathian nung a hngalh i a hmuh.

Pathian fale Judah tlangbal 3 a dotu le hremtu bawipa nihcun “ A tu cu security a lak piak cang hna i him tein a ven hna” Halleluijah! “Judah tlangval a buaitu le an biak Pathian a serhsattu cu thah si hna seh” tiah nawl a chuah piak hna.

Nihin kan tonmi harnak le faknak lak zongah zumtu nih kan Biakmi Pathian hi zumlotu hna le uktu bawi vialte nih an zumh i an hmuh ve nak hnga fek tein kan zumhnak le Pathian bochannak nun ah dir usih law kan zumhnak le tuahsernak cu hmunkhat ah kal in Pathian ah i hngat zungzal ko seh. Amen!

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

Bawipa nih sunparnak co chin ko seh.

Mang Bik Cung
Brisbane

Happy Palm Sunday Everyone!

#Jesuh hi na caah mi zeidah asi? Jesuh a sinak taktak hi na fiang maw?

MARKA 11:8-9

Mi tampi nih an puan kha lam ah khan an phah, cun a cheu nih lo lak i thingnge kha an va sam hna i lam ah cun an phah hna.

"Hosanna! Bawipa min in a rami cu Pathian nih thluachuahnak pe ko seh.

#Jesuh cu Laa note cit in Jerusalem khua chung a lut lio ah mi tampi nih sunglawi ngai in an rak don. An puan kha lam cungah an phah i tumhnah kha i put in “Hosanna! Bawipa min in a rami cu Pathian nih thluachuahnak pe ko seh” tiah an au.

#Hosanna a sullam zeidah asi?

- Mi tampi nih “Hosanna le Hallelujah “ cu a khat in kan ruah tawn i “ Pathian Thangtthatnak or lawmhnak “ bia bantukin kan hman tawn.
- Hosanna cu Hebrew holh a si i “yasha le anna” timi biafang fonh in a chuakmi asi. “yasha” ti cu “ deliver or save - luater or khamh” tinak asi. “anna” sullam cu “beg or beseech- nawl or hal” tinak asi.

#Cucaah, mirang in “yasha le anna” cu “ Hosanna” ti asi i a sullam a sawh taktak mi cu “zangfah in luatter or khamh awk ah kan nawl/ hal - I beg/beseech you to deliver/ save us please “ tinak asi.

#Hi bia cu Sam 118:25 ah fiang tein kan hmuh;

Lai:
-“Kan khamh tuah, Maw Bawipa kan khamh tuah. Bawipa, thluachuahnak kan pe ko! “

Mirang:

-“Save us, we pray, O LORD!” (ESV).”

#Cucaah, Jesuh cu an bawi ngan le siangpahrang ah an ruah i an zumh caah sunglawi ngai in an don hi asi. Israelmi nih ral tampi an ngeih hna i cu an ral vialte cu Jesuh an bawi le siangpahrang nih a kan tukpiak lai i a kan teipiak dih lai caah kan luatnak le khamhtu kan bawi a si zungzal an ti i Lawmhnak in an khat.

#Cun, mah hi biafang “Hosanna” cu minung sawhsawh sinah hmanmi bia asi lo- Pathian nung sinah a hleiche in chimmi le hmanmi bia asi. Amen!

#Laa note cit in Jerusalem a luhnak nih Jesuh cu;
- Kan siangpahrang a sinak a langhter
- Kan bawi ngan le uktu a sinak a langhter
- Tangleimi siloin cungleimi a sinak a langhter
- Pathian fa a sinak le Pathian a sinak an langhter

#Cucaah, Jesuh cu luatnak a kan petu le khamhtu, kan Bawi le Siangpahrang nganbik a si caah kan nunnak dihlak in kan don ve i nifatin kan sinak vialte in kan biak i kan thangtthat zungzal awk asi. Nunnak taktak in Bawipa a bia i a thangtthattu hna nunah Bawipa sunparnak cu lianngan in a lang tawn. Amen!

Bawipa nih sunparnak co chin ko seh. God bless you! Caan hmang nuam law!

Nangmah Ruang i kan thih ahcun mu....

Na zawt hlan na ngai tuk te lai.
Na dam lio na ngai tuk te lai.
Na chir hnu ahcun a tlai tuk te lai.
Caan nih an liam tak hnu ahcun mu.... na mitthli he ngaihthiamnak bia lawng na chim te lai nain a tlai tuk te lai.

1. Nangmah ruangah inn chung i daite aa erh komi le zawtnak ttih ah thindomh in a um komi na Nulepa or na fanu le fapa/ na nupi le pasal/ na unau dang nih zawtnak an ngah ahcun a poi tuk lai.

2. Keimah tiin cozah le Khrihfabu cawnpiaknak le chimmi zeirel loin mah duh paoh na vak i leng na chuah ahcun COVID-19 nih keimah na tinak le pasal na tinak cu an thei lai lo. COVID-19 nih An ngamh tuk - zankhat ah na nunnak an lak lai na luatnak lam cu vak lo tein inn chungah um ko law a ttha bik.

3. Chimh ngai loin a vak tukmi le leng a chuak tukmi minung cu kan inn cio nan kan pal lo kha a ttha bik. Kan inn cio leng lo dingin rak kham cio hna usih law a ttha bik. COViD-19 nih zangfaknak le zawnruahnak a ngei bak lo hih.

4. Leng ka chuak peng/ ka vak peng nain ka dam ko na ti lio bak kha na caah donghnak caan a si kho. Na vah peng i leng na chuah peng ko ahcun Na donghnak cu thihnak a si kho.

5. Thih ka ttih lo- duh le thi ko ning na ti lai nain “Thihnak tlang na dir taktak Nii ahcun na hram len lai nain a tlai tuk te lai. Na chir len lai nin caan nih an liam tak te lai. Ngamh tuk duh hlah mu!

6. Mah bantuk caan lio i Khrihfabu nih pumh caan sermi te ah “Na chungkhar he pumhnak le thlacamnak” tuah loin mah duh poh in caan na hman ahcun “Na fanu/fapa, na Nupi/Pasal le na Nulepa ca ahcun sahrang number 666 bak na si ko. Zangfak tuk na si kha i philh lai ci mu.

7. Nangmah ruang i na chungkhar vialte COVID-19 in thih dih le Pathian ttihnak nun na ngeih lo ruang i an Thlarau nunnak zungzal Khrih chung nunnak sungh dih ding cu a poi tuk lai - A poi tuk lai.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

[03/24/20]   Chungkhar hna,

Nan dam cio lai ka zumh. Bawipa nih a kan umpi caah lawmhbia chim cio usih.

Nizan ah kan Prime Minister Scott Morison nih thawng a thanh bantuk in khat le khat i len kai zong a ngah lo tluk a si cang. A Chimmi cheukhat cu;

1. Ruak vui tikah minung 10 cung a ngah lo
2. Tthit um tikah minung 5 lawng a ngah
3. Family tonnak, a bu in rawl ei ttinak, pumhnak, BBQ etc tuah a ngah lo
4. Shopping mall, Cole’s le a dangdang ah a Bu in um kal a ngah lo
5. Rawl dawr le Cafe ah take away lawng a ngah
6. Park chung ah a bu in um le celh a ngah ti lo
7. Shopping centre food court rawl zuar a ngah ti lo.
8. Gym le Health club khar dih si cang lai
9. PCYC vialte, Yoga centre le Beauty Salon khar dih lai
10. Lumehnak dawr le Sam tuahnak chungah minute 30 lawng um ngah-minung pakhat le khat 1.5 meter in tthut ding
11. Khual tlawng lo ding - Khual in a rak kirmi poah ni 14chung leng chuah lo ding- Nawl ngaih lo sual ahcun dantatnak a fak lai
12. Biakinn khar ding, Community centre ah ngandamnak phun le a dang dang nuamhnak phun tuahmi khar ding
13. Hubs, Night club, Cinema, Gaming le Casino khar ding

#Cucaah, Lungfim tein um khawh i zuam cio usih. A herh lo ahcun midang inn leng lo a ttha bik. April thla chung cu leng chuah tuk lo a ttha bik.

#Khrihfabu kan program vialte zong let dih an si- a herhmi cu Viber ah thanh kan i zuam peng lai.
#Upa le Pastor nan inn kan rat sual tik ah 1.5 meter hlat lawng in nan kan tthutter te lai. Naih tuk in tthut a ngah lo.

Ka lawm

Pastor pa

Want your place of worship to be the top-listed Place Of Worship in Brisbane?

Click here to claim your Sponsored Listing.

Videos (show all)

Rev.Dr. Mang Bik Cung (Joshua ral teinak) Sermon
Rev.Dr.MANG BIK CUNG (Joshua Ral Teinak) Sermon
Joshua 10:8-16

Location

Telephone

Address


127 Nemies Rd, Runcorn, Woodridge
Brisbane, QLD
4113
Other Christian Churches in Brisbane (show all)
Citipointe Church Citipointe Church
322 Wecker Road
Brisbane, 4152

Power Church Power Church
223 Padstow Rd, Eight Mile Plains
Brisbane, 4113

FOR ALL | FOR FAITH | FOR LIFE

Billion Souls Revival Prayer Call Billion Souls Revival Prayer Call
Brisbane

For more details go to www.billionsoulsrevivalprayercall.org

Hillsong Brisbane Downtown Hillsong Brisbane Downtown
346 George St
Brisbane, 4000

WELCOME HOME 🏠 A YEAR OF HOLY SPIRIT SIGNIFICANCE 🔥 _________ WE ARE MEETING ONLINE THIS WEEKEND HILLSONG.COM/ONLINE

Holy Annunciation Orthodox Church, Brisbane Holy Annunciation Orthodox Church, Brisbane
163 Park Rd, Woolloongabba
Brisbane, 4102

Brisbane's first & only English-language Orthodox Christian parish. Join us in worshipping God and growing to be more like Him. Liturgy 8:30am Sundays.

Forever House Forever House
260 Musgrave Road, Coopers Plains
Brisbane, 4108

Forever House is an inspirational Church with great teaching and powerful worship, impacting the city of Brisbane.

Collective Church Collective Church
10 Love Street, Spring Hill
Brisbane, 4000

Our mission is to create a space for people to be known, loved and valued.

The Living Stones Worship Centre Christian Church The Living Stones Worship Centre Christian Church
10 Grevillia Crt, Griffin, Brisbane 4503 (Pastor's Office)
Brisbane, 4503

We're a Pentecostal Evangelical Christian Church, operating & moving in ALL the Gifts of the Holy Spirit and we believe in the Trinity of God! God Bless!

Orthodox Christianity in Australia Orthodox Christianity in Australia
Brisbane

The Eastern Orthodox Church is the original Christian faith, with our theology based on the Nicene Creed. We are One, Holy, Catholic (universal) and Apostolic church established by Jesus Christ, with our bishops successors of Christ's apostles.

Dunamis North Dunamis North
116 Connaught Street Sandgate
Brisbane, 4017

Dunamis North is a movement of people committed to sharing the Gospel of Jesus Christ to all people. We are focused on seeing people come into the fullness of maturity in Christ as they fulfil God's destiny for their lives.

Toowong Uniting Church Toowong Uniting Church
82 Sherwood Road
Brisbane, 4066

Toowong Uniting Church is a Christian church in Brisbane. Our longing is to free people to love God in relevant worship, to love one another through authentic relationships and to love the world by serving people both near and far with humility and joy.

The Christian Church Brisbane The Christian Church Brisbane
8 Ellen Street
Brisbane, 4152

Our Vision: To Be Like Jesus "Faith without works is dead..show me your works and I will show you your faith" - Jesus.